Нийслэлийн иргэдийн төлөөлөгчдийн ээлжит бус VI хуралдаан 24 хүний бүрэлэдэхүүнтэй 53 хувьтайгаар  өчигдөр эхэлсэн. Тус хуралдаанаар өнгөрөгч 07-ны өдрийн хэлэлцсэн “Барилга барих, газрын эрх олгох, барилгын эх загвар батлах, эх загвар зураг батлах, барилга угсралтын ажил эхлүүлэх, ашиглалтанд оруулах үйл ажиллагааны журам”, “Газар эзэмшүүлэх эрхийн бичгийг шилжүүлэх, хугацааг хугацааг сунгах, газрын зориулалт өөрчлөх үйл ажиллагааны журмын төсөл”-ийн талаар хэлэлцлээ.
        Энэ журмын талаар ээлжит бус хуралдааны хийх шийдвэрийг НИТХ-ын 04 сарын 08-ны өдөр гаргасан.
 Нийслэлийн засаг даргын хот байгуулалт хөрөнгө оруулалтын асуудал хариуцсан орлогч дарга С.Очирбат уг журмыг танилцууллаа.


 Барилга барих зөвшөөрлийг дуудлага худалдаагаар болон төсөлт хөтөлбөрөөр эрх олгохдоо холбогдох зөвшөөрлүүдийг нь хамт өгч байхаар журамд тусгасан байгааг дурдав.

1. Эх загвар зургийг батлах
2. Холбогдох техникийн нөхцөлийг авсан байх
3. Дуудлага худалдаа хийх газар тодорхой байх зэргийг журмандаа оруулж өгчээ.   

Дуудлага худалдаа, төсөл сонгон шалгаруулалт хийх зар мэдээг олон нийтэд аль болох хүртээмжтэй хүргэхээр тусгаж өгөх.
Төсөл сонгон шалгаруулалтаар газрын эрхийг олгохдоо тухайн жилийн газар зохион байгуулалтын төлөвлөгөөнд эзэмшүүлж ашиглуулахаар батлуулсан байршлаас төсөл сонгон шалгаруулалтаар олгох газрыг төлөвлөгөө батлагдснаас хойш 30 хоногын дотор Засаг дарга сонгож, тухайн байршлыг нийтэд зарлаж байх.
Төсөл сонгон шалгаруулалтаар газар эзэмших, ашиглах тохиолдолд

1. Эрчим хүчний болон цэвэр усны эх үүсвэр, цэвэрлэх байгууламж
2. Хог дахин боловсруудах үйлдвэрлэлийн чиглээр
3. 100–аас дээш ажлын байр бий болгосон үйлдвэрийн зориулалттай барилга байгууламж барьж байгаа нөхцөлд төсөл сонгон шалгаруулалтаар шийдвэрлэж байхаар тусгасан байна.
4. Барилгын эх загвар зураг батлахдаа өмчлөлд байгаа газртаа барилга барих зөвшөөрөл авахад дагаж мөрдөх дараалал, хугацааг тодорхой болгож өгсөн.

• Иргэдийн хүлээн авах төвд хүсэлтээ гаргана
• Хүсэлтийг хүлээн авснаас хойш ажлын 10 хоногийн дотор зөвлөлийн хурлаар хэлэлцүүлэх, /НЕТГ болон Өмчийн Харилцааны газрын хамтарсан Техникийн Зөвлөл/
• Архитектур төлөвлөлтийн даалгавар, Эх загвар зургийг ажлын хоёр хоног дотор багтааж батлах

Өмнө нь хэдэн сар жилээр хүлээгддэг байсан бол энэ журмаар иргэн аж ахуйн нэгжийн ажлыг хөнгөвчлөх, хотын үйлчилгээг иргэн аж ахуйн нэгжид шуурхай хүргэх нөхцөлийг хангаж байгааг дурьдаж байлаа.
    “Иргэн хуулийн этгээдийн оролцоог хангаж   санал асуулга хийгдэнэ. Энэ санал асуулгыг бичгээр болон зөвлөлд төлөөлөн оролцуулах байдлаар оруулж болно. Санал өгөх иргэдийн 70 хувийг хүчинтэй тооцно гэж журамд тусгажээ.
Уг санал асуулгыг орон сууцны дундах барилгажаагүй талбайд барилга байгууламж барихад авах юм.
Гэр хорооллын нэгж талбарт барилга барихдаа амины орон сууцнаас бусад тохиолдолд санал авна. Санал өгөх иргэд нь тухайн баригдах гэж буй барилгаас 45 метрийн зайд багтах үлхөдлөх хөрөнгийн өмчлөгч хамрагдана. Гэр хорооллын нэгж талбар, эдэлбэр газар байгаа хөршүүд мөн саналаа өгнө.
 Мөн техникийн нөхцөлийг авахдаа дулаан, цахилгаан, ус зэргийг нэг цэгийн үйлчилгээгээр дамжуулан олгох асуудлыг Улаанбаатар хотын ерөнхий менежер хариуцан ажиллахаар журамд тусгажээ.
Зөвшөөрөлтэй, зөвшөөрөлгүй барилгыг Нийслэлийн Ерөнхий Төлөвлөгөөний газрын цахим хуудсанд байршуулж нийтэд мэдээлж байх.
Зөвшөөрөл авалгүйгээр барилгын ажлыг эхлүүлсэн иргэн хуулийн этгээдийг банк санхүүгийн байгууллага, инженерийн дэд бүтцийн техникийн нөхцөл олгогч  байгууллагуудад албан ёсны мэдээлэл хүргэдэг байх. Эдгээр мэдээллийг өгсөөр байхад зөрчилтэй барилгад зөвшөөрөл өгсөн, санхүүжиүүлсэн хөрөнгө оруулсан зэрэг хохирлыг төр хариуцахгүй” гэж мөн тусгасан байна.
“Батлагдсан зураг төслийн дагуу тохижилтын ажлыг хийгээгүй ашиглалтанд оруулаагүй тохиолдолд нийслэлийн захирагчийн албатай тохиролцоо гэрээ хийж тухайн барилгын орчны тохижилтод шаардагдах зардлыг батлагдсан төсвийн дагуу байршуулах” хэмээн заажээ.
Ихэнх барилгууд хүйтны улирал эхэлсэн үед ашиглалтанд ордог. Тохижилтын ажил хийхэд хүндхэн байдаг. Тэр санхүүжилтээ нийслэлийн захирагчийн албанд байршуулаад дулаан цаг ирэхээр тохижилтын ажил руу шилжинэ гэсэн үг.
“Газрын эрх, гэрчилгээг шилжүүлэхийг Газрын тухай хуульд заасны дагуу 15 хоногийн дотор багтаан шилжүүлэх үйл ажиллагааг шуурхай зохион байгуулдаг болох. Газрын эрхийн гэрчилгээ шилжүүлэх тохиолдолыг газар эзэмшүүлэх, ашиглуулах  гэрээнд нэмэлт нөхцөл болгон тусгах.
Газрын эрхийн гэрчилгээний хугацааг 40 хүртэлх жилээр сунгахдаа шалгуур үзүүлэлтүүд байна. Тухайн газар баригдсан барилгын зориулалт, чанар, насжилтыг харгалзан үзэж олгоно. Газрын зориулалтыг өөрчлөхдөө газар зохион байгуулалт болон хотын хөгжлийн Ерөнхий төлөвлөгөөний тусгагдсан үүргийн бүсчлэлийн дагуу газрын зориулалтыг тогтоож, зориулалтыг тогтоож зориулалтыг өөрчилдөг байх.
Газрын хэмжээнд өөрчлөлт оруулахдаа хэсэгчилсэн ерөнхий төлөвлөгөний дагуу барилгын эзэмшилд олгосон газрын 25 хувиас ихгүйгээр нэмэгдүүлэх” гэсэн заалтуудыг журмандаа оруулжээ.
Мөн иргэн болон хуулийн этгээдийн үйл ажиллагаа, төрийн үйл ажиллагаанд хориглох зүйлс, хариуцлагын тогтолцоог тусгасан гэдгээ хэллээ.
НИТХ-ын гишүүдийн олонх нь энэ журамд багтсан барилгын компаниудаас “Улаанбаатар орон сууцны сан”-д авч байгаа 2 хувийн санхүүжилтыг хасах санал оруулж байсан юм. Учир газраа дуудлага худалдаагаар өндөр үнээр авчихаад маш олон татвар төлнө дээрээс нь  ахиад 2 хувийг нийслэлд өгнө гэдэг барилгын компаниудад хүндээр тусна гэдгийг хэлж байлаа.
 Мөн уг журманд барилга барих хугацаа, орон сууцны барилгын дунд барилга барихдаа иргэдээс санал асуулга авах, үүрэг хариуцлага хүлээлгэх зэрэг дээр нарийн тодорхой заалтууд оруулах хэрэгтэй гэсэн саналуудыг хэлж байлаа.