Барилгын тухай хуулийн шинэчилсэн найрууллагад “Барилгын материалын үйлдвэрлэлийг тусгай зөвшөөрлийн дагуу эрхэлнэ” хэмээн заасны дагуу энэ төрлийн үйлдвэр эрхлэгчид тусгай зөвшөөрөл авах болсон билээ. Одоогийн байдлаар манай улсад барилгын материалын үйлдвэрлэл эрхэлдэг 800 шахам аж ахуйн нэгж байдаг ч 200 гаруй нь  тусгай зөвшөөрөлтэйгээр үйл ажиллагаагаа явуулдаг.
Үйлдвэр эрхлэгчид тусгай зөвшөөрөл авах хүсэлтээ Монголын барилгын материал эрхлэгчдийн холбоо /МБМЭХ/-нд тавьсны дагуу холбогдох мэргэжлийн хүмүүс очиж танилцан, мэргэжлийн үнэлгээ өгч, нийт гишүүдийн хурлаар оруулж, олонх зөвшөөрсөн тохиолдолд тусгай зөвшөөрөл олгодог.
 Саяхан Барилгын материал үйлдвэрийн тусгай зөвшөөрөл олгох комиссын хурал болж “Алтан -Аураг констракшн” , “Гангар инвест” , ”Пирамид индастри” , “Блю старлит” , “Са Са” , “И Зэт Си Өү Эн” зэрэг 22 үйлдвэрт тусгай зөвшөөрөл олгохоор шийдвэрлэсэн юм.
           Манай улсын барилгын материал үйлдвэрлэл дотроос бетон, зуурмаг,хөөсөнцөр, хөнгөн, блок, вакум цонхны үйлдвэрүүд сүүлийн үед  давамгайлах болсон байна.