Барилгын салбарын эргэн тойронд  өрнөж буй үйл явдлуудыг цаг алдалгүй хүргэж байдаг Барилга.МН сэтгүүлийн 5-р сарын шинэхэн дугаар хэвлэлтээс гарлаа. Энэ удаагийн дугаарын мэдээ, мэдээллийн буланд газар өмчлөлийн талаар “Иргэн та газраа хэрхэн өмчлөхөө мэдэж байгаа байгаа юу?”, төлөвлөсөн цаг хугацаандаа ажлаа хийж гүйцэтгээгүй аж ахуйн нэгжүүдийн талаар “Хар жагсаалтанд орсон компаниудыг зарлалаа”, Нийслэл хотод явган зорчигч ая тухтай зорчих нөхцөл боломж хэр бүрдсэн талаарх нийтлэл зэрэг багтсан.






 

      Барилга.МН сэтгүүл асуудал хөндсөн сэдэв буландаа олон нийтийн анхаарлын төвд байдаг асуудал болсон орон сууцны зээлийн талаар “Ипотекийн зээлийн эргэн тойронд” нэртэй уншууртай нийтлэл орсон.

      Орон нутагт өрнөж буй бүтээн байгуулалтын талаар манай сэтгүүл сар бүр нэг аймгийн Засаг даргатай ярилцлага хийдэг. Энэ удаагийн дугаарт Өмнөговь аймгийн Засаг дарга Б.Бадраатай ярилцаж энэ онд хийгдэх бүтээн байгуулалт болон аймгийн хөгжлийн чиг хандлагын талаар ярилцлаа.
Түүх дурсгалаа хадгалан үлдээсэн барилгын түүхийг сөхдөг “Барилга өгүүлж байна” буланд Байгалийн Түүхийн музейг онцолсон.