Монголын барилгын салбарынхныг нэг дор цуглуулдаг “Барилга экспо-2014” олон улсын барилгын үзэсгэлэн яармаг 6 дахь жилдээ амжилттай зохиогдож өндөрлөлөө. “Ногоон барилга бидний ирээдүй” уриатайгаар зохиогдсон  энэ удаагийн үзэсгэлэнд 200 гаруй компани оролцож, бүтээгдэхүүн үйлчилгээгээ дэлгэсэн юм.

 “Барилга экспо-2014” үзэсгэлэн 2 үе шаттайгаар зохиогдсон бөгөөд “Барилгын материал, дэвшилтэт технологийн үзэсгэлэн” 4-р сарын 25-27-ны өдрүүдэд, “Орон сууц, хаус дизайны үзэсгэлэн” 5-р сарын 2-4-нд “Мишээл экспо” төвд иргэдийн хөл хөдөлгөөн дунд  болж өнгөрлөө.
      Үзэсгэлэн яармагт бүтээгдэхүүн үйлчилгээгээ дэлгэж, идэвхтэй оролцсон барилга, барилгын материалын үйлдвэрлэлийн компаниудыг “Барилга экспо”-г зохион байгуулагчдын зүгээс шагнаж урамшуулдаг уламжлалтай. Энэ удаа ч уламжлал ёсоор үзэсгэлэнгийн хаалтын ажиллагааны үеэр шилдгүүдийг шалгаруулсан юм.
 Мөн “Барилга экспо”-г 2 дахь жилдээ ивээн тэтгэж, хамтран оролцсон Н.Батмагнай захиралтай “Империал кастел” ХХК-ны хамт олонд талархал илэрхийлж, дурсгалын зүйлс гардуулсан.
 Ингээд шилдгээр шалгарсан компаниудыг танилцуулбал:

2006 оноос эхлэн барилгын салбарт халаалт саниехникийн материал ханган нийлүүлж эхэлсэн. 2013 оны хамтын ажиллагааны хүрээнд 1500 гаруй нэр төрөл, арван хоёр тэрбум таван зуун сая төгрөгийн бараа бүтээгдэхүүнийг Монголын зах зээлд импортолж, тэдгээрийн 89 хувийг нь хэрэглэгчдэд нийлүүлээд байна.

1996 оноос эхлэн барилгын материал үйлдвэрлэлийн чиглэлээр 18 жил үйл ажиллагаа явуулж байгаа  Монголын анхны хөөсөнцөр хавтангийн үйлдвэр. Мөн Монголд анх удаа чулуут өнгөлгөөний хавтан үйлдвэрлэж эхэлсэн.
    Шилдэг оролцогч брэнд маркетер \Барилгын материалын үзэсгэлэн\ – “Термигаз Импианти Технологи” ХХК

Термигас Импианти Технологи компани нь Италийн Термигас Бергамо ХК-ийн Монголд ажиллаж байгаа салбар компани юм.  
“Барилга Экспо – 2014” олон улсын үзэсгэлэнд Италийн Дэлхийд алдартай Versace, listone Giordona, Latorre,  Margarolli, Gewiss, Giacomini Брэндийн бүтээгдэхүүнүүдээр оролцсон бөгөөд эдгээр брэндийн албан ёсны борлуулагч юм.
    Шилдэг оролцогч брэнд маркетер \Орон сууцны үзэсгэлэн\- “Гранд Лайн” ХХК


Гэр хорооллын дахин төлөвлөлтанд Монголын анхны Европ стандартын хороолол болох “Түмэн Амгалан” цогцолбор хотхоныг бүтээн байгуулж байна. 2013 оны Нийгмийн даатгалын шилдэг даатгуулагч  бөгөөд 100 хувийн Туркийн хөрөнгө оруулалттай компани юм.
Шилдэг төсөл хөтөлбөр хэрэгжүүлэгч (Орон сууцны чиглэлээр) – “Номин констракшн Девелопмент Групп”

2002 оноос хойш “Өнөр хороолол”, “Өнөр Эрдэнэт”, “Ривер гарден”, Тайм скуэр” ”Ривер 2” гэх зэрэг төслүүдийг амжилттай хэрэгжүүлсэн, барилгын салбартаа тогтвортой үйл ажиллагаа явуулж буй, томоохон бүтээн байгуулагч компани  билээ.
    Шилдэг төсөл хөтөлбөр хэрэгжүүлэгч (Барилга угсралтын чиглэлээр) – “Альянс-Тех” ХХК

2001 оноос эхлэн эрчим хүч, барилга угсралтын, тоног төхөөрөмж худалдааны чиглэлээр 13 жил үйл ажиллагаагаа явуулж байна. Олон төсөлт хөтөлбөрүүдийг хэрэгжүүлсний нэг нь “ТЭЦ - 4” ТӨХК-ийн өргөтгөлийн насос станцыг “0” түвшинд шилжүүлсэн. Ингэснээр 80 мянган айлын орон сууцны барилгын халаалт, хэрэглээний халуун усыг шийдэх боломжийг бүрдүүлсэнээрээ онцлог юм.