Буянт-Ухаа 1 хорооллын сугалаанд оролцох эрхтэй болсон эсэхээ шалгаарай

Буянт-Ухаа 1 хорооллын сугалаанд оролцох эрхтэй болсон эсэхээ шалгаарай
           
Нийслэл хот дахь хамгийн хямд үнэтэй орон сууцны хорооллоор тодроод байгаа Төрийн орон сууцны санхүүжилтээр  баригдаж буй Буянт-Ухаа  хорооллын эхний ээлжийн 576 айлын орон сууц сар гаруйн өмнө  ашиглалтанд орсон ч өнөөг хэр оршин суугчдаа тодруулж чадаагүй байгаа юм.
Тус хорооллын 60 хувийг төрийн албан хаагчдад, үлдсэн 40 хувийг ахмад настан, хөгжлийн бэрхшээлтэй болон залуу гэр бүлд олгохоор шийдвэрлэсэн ч хямд үнэтэй энэхүү орон сууцанд орохоор бүртгүүлсэн иргэдийн тоо 9000 давсан билээ.
 Иймд  хүсэлт гаргасан нийт иргэдийн материалыг нэгтгэн Засгийн газраас батласан журмын шаардлага хангаж буй эсэхийг нягтлан шалгах ажиллагаа  сар гаруй үргэлжилж саяхан дуусчээ. Ийнхүү шаардлага хангасан иргэд  сугалаа сугалж  Буянт-Ухаа-1 хорооллын оршин суугч болохоо шийдэх бөгөөд сугалааг тун удахгүй явуулах аж.
 Иргэд сугалаанд оролцох эрхтэй эсэхээ  www.tosk.gov.mn хуудаснаас мэдэж болох юм байна.
 
 
 
 

Холбоотой мэдээ