Дулаан, цэвэр, бохир усны шимтгэлийг нэг үнэлгээнд оруулна

Дулаан, цэвэр, бохир усны шимтгэлийг нэг үнэлгээнд оруулна
         Нийслэлийн хэмжээнд 240 мянган иргэн орон сууцанд амьдардаг. Үүнээс 86 мянган иргэн орон сууц, төрийн өмчийн ОСНААУГ–ын конторт харьяалагддаг. Харин эдгээр орон сууцны хэрэглэгчдэд төрийн 21, хувийн 44 контор үйлчилгээ үзүүлж байна.
        Эдгээр конторууд орон сууцны байршлаас шалтгаалан хэрэглэгчдээс цэвэр бохир ус,  дулааны төлбөрөө өөр өөрөөр тооцож шимтгэлээ авдаг. Хураасан төлбөрөө дулаан, цэвэр бохир усаар хангагч байгууллага руу шууд шилжүүлж чадахгүй байгаагаас хэрэглэгчдийн халуун усыг хязгаарлах, халаалт доголдох  тохиолдол гарч байгаа юм. Энэ шимтгэлийг инженерийн шугам сүлжээ талаасаа нэг үнэлгээнд оруулж банкны дансаар дамжуулан шууд хангагч байгууллага руу шилжүүлэн мөнгөний урсгалыг хүний оролцоогүйгээр зохицуулах /нэг загварт оруулах/ саналыг Улаанбаатар хотын Захирагчийн ажлын албанаас гаргалаа.
      Уг саналыг нийслэлийн удирдлагын зөвлөлийн ээлжит хуралдаанаар дэмжсэн бөгөөд 03 сарын 27-ны өдөр Нийслэлийн ИТХ-ын ээлжит хуралдаанаар эцэслэн шийдвэрлэнэ.  Дулаан, цэвэр, бохир усны шимтгэлийг орон сууцны байршлаас хамаарахгүйгээр нэг загварт оруулах нь хэрэглэгчид найдвартай эрчим хүч, халуун, цэвэр усаар хангагдах боломж бүрдэх юм.

Холбоотой мэдээ