Иргэн, аж ахуй нэгжийн 91 газар эзэмших эрхийг хүчингүй болгов

Иргэн, аж ахуй нэгжийн 91 газар эзэмших эрхийг хүчингүй болгов
           Нийслэлийн Өмчийн харилцааны газар 2003 оноос хойш 261 иргэн, аж ахуйн нэгж байгууллагад 2235,7 га газрын эрх олгосон байдаг. Эдгээр иргэн, аж ахуйн нэгжид хамтран эзэмших гэрээгээ шинэчлэх, холбогдох хуулийн дагуу газрын эрхийн дуудлага худалдааны үнийг төлөх хугацааг өнгөрсөн оны гурав дугаар сараас өнөөг хүртэл жилийн хугацаатай олгосон бөгөөд энэ хугацаанд тухайн иргэн, аж ахуйн нэгж байгууллагын эздэд 2 удаа мэдэгдэл хүргүүлж, өдөр тутмын зарим сонинд гэрээгээ биелүүлэх хугацаа дуусгавар болж байгаа талаар удаа дараа анхааруулжээ.
         Гэвч заасан хугацаанд 70 иргэн газрын дуудлага худалдааны төлбөрөө төлөөгүй, 21 аж ахуйн нэгж газар эзэмших, ашиглах эрхийн гэрчилгээ аваагүй, гэрээ байгуулаагүй зэрэг зөрчил гаргажээ. Тиймээс нийслэлийн удирдлагын зөвлөлийн гишүүдийн шийдвэрээр нийслэлийн Засаг дарга “Газар эзэмших, ашиглах эрх олгосон шийдвэрийг хүчингүй болгох тухай” А/257, А/258 дугаар захирамжийг гаргажээ. Захирамжийн дагуу дараахь иргэн, аж ахуйн нэгжийн 91 газар эзэмших эрхийг хүчингүй болгож, нийслэлийн өмч болгож байгаа аж.
 

Холбоотой мэдээ