Барилгын хөгжлийн төвийн Нэг цэгийн үйлчилгээ нээгдээд ердөө 15 хоног болсон байна. Гэхдээ эндээс наадам тохиолдуулан амарсан өдрүүдийг хасч тооцвол 10 хоног л ажилласан байна.

       Дулааны улирал  богино үргэлжилдэг манай оронд барилга, бүтээн байгуулалтын ажлыг хурдан хугацаанд амжуулах шаардлага тулгардаг. Энэ ч үүднээс барилга угсралтын ажил гүйцэтгэхэд шаардлагатай аливаа бичиг цаас, зөвшөөрлийн ажлуудыг түргэн шуурхай олгодог болох үүднээс Нэг цэгийн үйлчилгээний төвийг нээн ажиллуулсан. Гэвч наадам өнгөрөөд ажил цугласан ч Барилгын хөгжлийн төвийн Нэг цэгийн үйлчилгээ барилгын тусгай зөвшөөрлийн материал хүлээж авахгүй байгаа юм байна. Учрыг тодруулахад тусгай зөвшөөрлийн олголтыг хэлэлцэх хурлын ирц бүрдээгүй учир ирц бүрдтэл материал хүлээж авахгүй гэсэн тайлбарыг өглөө. Яг хэдийнээс ирц нь бүрдээд материал хүлээж авах нь тодорхойгүй байгаа бөгөөд материал хүлээж авах боломжтой өдрийг БХТөвийн вэб сайт дээр зар тавьж мэдээлнэ гэлээ.