Японы уран барилгач Кэичиро Сакогийн үүсгэн байгуулсан “Sako Architects” компаний архитектурын шинэлэг шийдэл бүхий оффис, рестораны зориулалтаар ашиглах боломжтой “Cube Tube” байгууламжийг танилцуулж байна.

Гайхалтай гар нийлж хамтран ажилладаг 30 шижигнэсэн залуусын бүрэлдэхүүнтэй тус компани Бээжинд төвлөрч ажилладаг Япон компани бөгөөд Хятад, Япон, Испани, Солонгосоос гадна аль хэдийнээ эх орны маань нийслэлд захиалгаар барилгын ажилгүйцэтгэж эхлээд байгаа юм байна.

Тэдний ээлжит бүтээл болсон “Cube Tube” нь Хятадын эдийн засгийн хөгжлийн төв болсон Жинхуад байгуулагдах ба байгалийн гэрлийг нэвт шингээн өвөрмөцөөр загварчилсан есөн давхар барилга сүндэрлэх ажээ.