Барилга, хот байгуулалтын сайд Ц.Баярсайхан “Улаанбаатар хотын 7,14-р хороолол, МҮОНРТ-ийн орчмын орон сууц, дэд бүтцийн төсөл”-ийн хүрээнд баригдах 2592 айлын 36 орон сууцны ажлын явцтай танилцлаа.Орон сууцны 14-р хороололд энэ жил 430, ирэх жил 282 айлын орон сууц ашиглалтанд орох юм. Гэр хорооллын иргэдийг орон сууцжуулах хөтөлбөрийн  хүрээнд "Цагаан хуаран" компани 23-45 метр² талбай бүхий 1-2 өрөө орон сууцны барилга барьж байна. Энэ намар ашиглалтанд орох орон сууцнуудыг 8 хувийн зээлд хамруулах бүрэн боломжтой гэнэ.

 Харин 7 хороололд 1800 айлын орон сууц баригдах бөгөөд 7, 14-р хорооллын 2592 айлын орон сууц нь БНХАУ-ын хөнгөлөлттэй зээлээр баригдаж байгаа юм.

         Төслийн хүрээнд орон сууцны барилгуудаас гадна 7-рхороолол, МҮОНРТ орчмын хорооллын инженерийн шугам тавих ажил хийгдэж байгаа. Зарим иргэн, аж ахуйн нэгж газар чөлөөлөөгүйн улмаас инженерийн шугам сүлжээ тавих ажил удааширч байгааг төслийн багийнхан сайдад танилцуулсан.

7-рхороололд Нийслэлийн ерөнхий төлөвлөгөөний газраас гаргасан зургийн дагуу өнгөрсөн сарын 21-нээс 2,89 км дулааны шугам татах ажил эхэлжээ. Шаардлагатай материалаа татаж ажлаа үргэлжлүүлэхэд бэлэн байгаа ч 59 нэгж талбарын газар чөлөөлөлтөөс болж уг ажил саатахад хүрээд байна. Цэвэр бохир усны шугам тавих ажил газар чөлөөлөлтөөс шалтгаалж саатаад байгаа тул эдгээр хорооллын ажлыг урагшуулахаар нийслэлийн удирдлагуудтай уулзаж ярилцахаар боллоо.

       Түүнчлэн 7-рхороолол, МҮОНРТ орчмын хорооллыг цахилгааны эх үүсвэрээр хангах дэд станц, цахилгаан дамжуулах агаарын шугамын мөн  танилцсан бөгөөд 220/110/35 кВ-ын Улаанбаатар дэд станцын өргөтгөл 20 хувьтай, Улаанбаатар дэд станцаас 7-рхорооллындэд станц хүртэл 14,9 км 110 кВ-ын ЦДАШ-ын барилга угсралтын ажил 50 хувь, 110/35/10 кВ-ын Радио телевизийн дэд станцын барилга угсралтын ажил 20 хувьтай байна.

7, 14-р хорооллын орон сууц нэг метр² нь 1.500.000 мянган төгрөгөөс ихгүй үнэтэй байх гэнэ.