Цэцэрлэг, сургуулийн газраас “хумсалж” орон сууц барих нь ихсэж байна

Цэцэрлэг, сургуулийн газраас “хумсалж” орон сууц барих нь ихсэж байна

     Сүүлийн үед сургууль цэцэрлэгийн газраас “хумсалж” орон сууц барьлаа гэх мэдээлэл их гарах болсон. Бүгд л хотын захиргааны томоохон эрх мэдэлтэн, даргын гарын үсгээр баталгаажсан өмчлөх зөвшөөрөлтэй.

     Нийслэл хотод 100 гаруй мянган цэцэрлэгийн насны хүүхэд байдаггэсэн судалгаа бий. Гэтэл эдгээр хүүхдүүдийн талаас илүү нь цэцэрлэг хүрэлцээгүй гэх шалтгаанаар гэртээ байдаг.

     Тийм учраас аль болох олон хүүхдийг сургуулийн өмнөх боловсролд хамруулахын тулд цэцэрлэг барих шаардлагатай болж байгаа юм. Гэтэл яг цэцэрлэг барих гэхээр тохиромжтой газар олдохгүй бэрхшээл гардаг ажээ.

     Харин байдал ийм байхад цэцэрлэгийн газрын талбайд нийслэл, дүүргийн Засаг дарга нарын захирамжаар бусдад газар эзэмшүүлж, орон сууц бариулсаарбайна. Нийслэлхотод154 цэцэрлэг үйл ажиллагаа явуулдаг гэнэ. Харин эдгээр цэцэрлэгүүдийн15 нь газрын асуудалтай. Үүнийг дүүргүүдээр нь задалж хүргэхээр бэлдлээ.

Баянгол дүүрэг

    Тус дүүрэгт улсын 30 цэцэрлэг үйл ажиллагаа явуулдаг байна.Эдгээр цэцэрлэгийн дөрөв нь өмчлөлийн газраасаа хумслуулсан. Гурван цэцэрлэгийн газарт хороо, өрхийн эмнэлэг, цагдаагийн нэгдсэн байр, сургуулийн өмнөх боловсролын байр барьсан бол нэгд нь орон сууц барьжээ.

     Тодруулбал, 15 дугаар цэцэрлэг. Энэ цэцэрлэг гурван мянган м.кв газартай бөгөөд үүний 1400 м.кв газрыг “Энхэд” ХХК орон сууц үйлчилгээний зориулалтаар эзэмшдэг аж. Тус компани эзэмших эрхээ 2010 оны арваннэгдүгээр сарын 30-ны 780 тоот захирамжаар авсан гэнэ.

Баянзүрх дүүрэг

      Энэ дүүрэг 26 цэцэрлэгтэй. Гэтэл гурван цэцэрлэг нь мөн л газрын асуудалтай. Тухайлбал дүүргийн I хорооны нутагт байрлах 22 дугаар цэцэрлэгийн 1680 м.кв газрыг иргэн С.Болормаа үйлчилгээний зориулалтаар ашигладаг байна.

      С.Болормаа нь эзэмших зөвшөөрлөө 2002 оны наймдугаар сарын 1-ний өдрийн 350 тоот захирамжаар авсан гэнэ. Дараагийн цэцэрлэг мөн л энэ хороонд байрладаг. Хүүхэд асран хүмүүжүүлэх төвийн 20 дугаар цэцэрлэгийн газраас “Тэмүүлэнлхам констракшн” ХХК 1848 м.кв газрыг татаж орон сууц барьжээ.

      Харин тус байгууллага зөвшөөрлөө 2010 оны арванхоёрдугаар сарын 28-ны өдрийн 877 тоот захирамжаар авчээ. Харин 129 дүгээр цэцэрлэгийн 600 м.кв газарт БаянзүрхдүүргийнЗасагдаргын тамгын газрын захиалгаар хороо, цагдаа, өрхийн эмнэлгийн цогцолборыг барьсан аж.

Сонгинохайрхан Дүүрэг

      Улаанбаатар хотын хамгийн их хүн амтай дүүрэг. Тус дүүргийн хэмжээнд 30 цэцэрлэг үйл ажиллагаа явуулдагаас дөрөв нь газрын маргаантай. Дүүргийн XIII хороонд байрлах 99 дүгээр цэцэрлэгийн газраас “XXX” ХХК 2011 оны дөрөвдүгээр сарын 21-ний өдрийн 317 тоот захирамжийн дагуу2020 м.кв газрыг цэцэрлэг, үйлчилгээний зориулалтаар эзэмшдэг ажээ.

     Мөн “Монголын хүүхдийн эрхийн төв” 300 м.кв газрыг нь хүүхдийн халамжийн төвийн чиглэлээр 2003 оноос хойш эзэмшиж ирсэн байна. Энэ мэтчилэн цэцэрлэг барих газар олдохгүй байхад цэцэрлэгийн газрыг бусдад шилжүүлсээр байна.

      Үүнээс гадна Сүхбаатар дүүргийн III хороонд байрлах 160 дугаар цэцэрлэгийн 4484 м.кв газраа бусдад алджээ. Энэ цэцэрлэг нийтдээ 5825 м.кв газартай аж. Гэтэл дээрх талбайг “Өрхтий трейд” ХХК 2007 оны арваннэгдүгээр сарын 19-ний өдрийн 577 тоот захирамжаар эзэмшиж орон сууц барьсан байна.

Холбоотой мэдээ