“Барилга.МН” сэтгүүлийн 8 сарын дугаар худалдаанд гарлаа

“Барилга.МН” сэтгүүлийн 8 сарын дугаар худалдаанд гарлаа

Салбарын сар тутмын мэдээллийн хэрэгсэл “Барилга.МН” сэтгүүлийн шинэ дугаар уншигчдынхаа гар дээр очлоо.

    Сар бүр шинэлэг мэдээлэл, дэвшилтэт технологи, барилгын салбарт хэрэгжиж байгаа хууль тогтоомж, журмын талаарх мэдээлэл, амины орон сууцтай холбоотой зөвлөгөө, мэдээ мэдээллийг тогтмол хүргэдэг билээ.

     Мөн орон сууцны үнийн өсөлт, барилгын материал гээд барилгын салбартай салшгүй холбоотой сэдвүүдийн талаарх нийтлэл, судалгаануудыг тогтмол гаргасаар байна.

Шинэ дугаарт:

    Улаанбаатар хотын өнгө үзэмжийг нэмсэн олон ажлуудаас багцлан дараах мэдээллүүдийг бэлтгэлээ. Эдгээр ажлуудаас онцлон сэтгүүлдээ багтаалаа. Навсайж халтартсан самбаруудыг буулгаж, цэлийлгэсэн бол өнгө алагласан цэцэгсээр гудамжаа чимэглэж, ногоон зүлгээр шороогоо хучлаа.

      Мөн гудамж төслийн хүрээнд 6 уулзвар өргөтгөл шинэчлэлийн ажлыг хийж гүйцэтгэсэн. Энэ жилийн зам засварын ажилд иргэд ам сайтай байна. Учир нь өмнөх жилүүдийг бодвол замын ажил эрчимтэй явагдаж олон сараар зам хааж жолооч, зорчигчдын уур бухимдлыг хүргэсэнгүй.

     Ажилтай орлоготой залуучууд ажлын гараагаа 30 жилийн түүхэн ойгоо тэмдэглэх гэж байгаа Хөтөлийн “Цемент -Шохой”-н үйлдвэрээс эхэлсэн. Шинэ цагийн илгээлтийн эзэд болсон залуучуудын бүтээн байгуулалтын салбарт өөрсдийн хувь нэмрээ оруулж байна.

    Барилга, хот байгуулалтын салбарт олон жил үр бүтээлтэй ажилласан мэргэжилтнүүд МУ-ын ерөнхийлөгчийн зарлигаар Алтан гадас, Хөдөлмөрийн хүндэт медалиар энгэрээ мялаалаа.

Ипотек бол ердийн хэрэглээ

    Ипотекийн зээл нь ажил орлоготой Монгол иргэдийг байртай болгож, амьдралын сайн нөхцлөөр хангах, цаашлаад гадаад зах зээл рүү  урссаар байгаа мөнгөний урсгалыг хуримтлал үүсгэн Монголдоо хадгалах нь инфляцийг барих нэг хөшүүрэг болж, эрүүл зөв эдийн засаг бүрэлдэн тогтох ач холбогдолтой юм.

    Өмнө нь хэрэглээгээ хэмнээд цалингаараа байртай болох нь мөрөөдөл төдий байлаа. Харин одоо бол гэр бүлээ дээдэлдэг, хариуцлагаа ухамсарладаг хэн ч гэсэн архи, тамхи гэх мэтийн элдэв үрэлгэн, зугаа цэнгэлийн чанартай хэрэглээгээ хязгаарлаад мөнгөө хуримтлуулан урт хугацаатай орон сууцны зээлд хамрагдан байртай болох нөхцөл бүрдсэн. Тогтмол ажил эрхлэн орлого олдог иргэдийн хувьд ипотекийн зээл нь лангуун дээрээс талх худалдаж авахтай адил ердийн хэрэглээ болох цаг ирсэн байна.

Бау хаус гэж юу вэ?

   Эртний хүн төрөлхтөн агуйд амьдарч байгаад урцанд амьдарч эхэлсэн тэр цагаас хүмүүс өөрсдийн гараар орон гэрээ барьж суудаг болсон. Урц нь цаг хугацааны өөрчлөлт, хувьслын явцад өөрчлөгдөн явсаар барилга, байгууламжийн хэмжээнд хүртэл хөгжсөн байна.

    Бид хуучин сэтгэлгээнээсээ гарч, бусдаас суралцан чөлөөтэй сэтгэснээр тэр л гайхамшигийг гар доороосоо бүтээх боломжтой юм. Энэ бол “Баухаус”.   

   Үл хөдлөх хөрөнгийн үнийн зохиомол өсөлт

     Мортгэйжийн зээлийн алдаатай бодлого, хяналт журамгүйгээр их хэмжээний зээлийг төлбөрийн чадвар сул иргэдэд олгох нь үнийн хөөсрөлтөд нөлөөлдөг.

... Шинэ залуу гэр бүл болон анх удаа орон сууц худалдан авч буй иргэдийг дэмжихээр засгийн газраас 8000 долларын татварын хөнгөлөлт, засгийн газраас баталгаажсан бага хувийн (3.5%)урьдчилгаа төлбөрийн бодлого, нөгөө талаар үнийн хөөрөгдлөөс урьдчилан сэргийлэх зорилгоор 1-ээс илүү орон сууц худалдан авч буй иргэдэд зориулсан татварын шатлал гэх мэт арга хэмжээнүүдийг авч хэрэгжүүлсэн ...

Сургууль цэцэрлэгийн барилгыг онцгой барилга байгууламжаар төлөвлөе

   2012 оны сүүлч гэхэд Улсын хэмжээнд ашиглалтын хугацаа дууссан урт настай, стандарт алдагдаж чанаргүй баригдсан нураах шаардлагатай барилгууд гэсэн мэргэжлийн хяналтын газрын дүгнэлттэй цэцэрлэгийн 51 барилга, 27 сургуулийн барилгад үйл ажиллагаа явуулж байсан.

    Тиймээс сургууль цэцэрлэгийг орчин үеийн шаардлага болон ачаалалд нийцүүлэн барих хэрэгцээ тулгараад байна. Харин байгаа норм, дүрэм, стандартдаа тохируулан барих уу, эсвэл арай өөр өнцгөөс харж барихуу гэдгийг шийдэх шаардлагатай юм.

    Гадны туршлагаас харахад сургууль, цэцэрлэгийн барилга байгууламжийг үндсэн зориулалтаас нь гадна онцгой байдлын үед ашигладаг жишгийг бид яагаад дагаж болохгүй гэж.

SWISS Cell” байгальд ээлтэй

     Монголын барилгын салбарт нэвтэрч байгаа дэвшилтэт технологиудыг цаг алдалгүй та бүхэнд танилцуулахыг зорьж байна. Энэ удаа Германы “SWISS Cell” бүтээгдэхүүнийг танилцуулж байна.

  Энэхүү бүтээгдэхүүнийг барилгын салбарт нэвтрүүлсэнээр ган баганыг ашиглахгүйгээр барилгыг маш хурдан хугацаанд барих боломжтой.

   Дулаан алдагдалдлыг бууруулах, дуу тусгаарлах зориулалтаар хэрэглэхээс гадна хүйтнийг тэсвэрлэх чанар нь маш сайн. Мөн ус нэвтрүүлэхгүй галд шатахгүй учраас “swill cell”-ийг ашиглан барьсан барилгын чанарт эргэлзэх хэрэггүй аж.

100 айлд бүгд бий

     Барилгын материалын төвлөрсөн худалдааны цэг болох “Зуун айл”-д ногоон хурганы арьс, нохойн битүү туурайнаас бусад нь бүгд бий. Бүх төрлийн барилгын материал гэлтгүй эмийн сан, нотариат, хүнсний дэлгүүр, банк, хоолны газар гэх мэтчилэн хүний хэрэгцээг бүрэн хангах үйлчилгээний газрууд энд эрээлжилнэ.

Үнэ ханш

    Улаанбаатар хотод ашиглалтанд орсон болоод 2013, 2014 онуудад ашиглалтанд 200-аадорон сууцны мэдээллийг дүүргээр нь нэгтгэн гаргалаа. Түүнчлэн орон сууцны үнэ ханштай холбоотой судалгаа мэдээлэл гээд бүрэн цогц мэдээллийг унших боломжтой.

     Орон сууцны үнэ өмнөх сарыг бодвол харьцангуй тогтвортой байгаа мэргэжлийн байгууллагууд хэлж байна. Учир нь өмнөх сар Засгийн газраас хэрэгжүүлж эхэлсэн ипотекийн 8 хувийн зээлтэй холбоотой юм.

   Барилга, бүтээн байгуулалтын ажилтай зэрэгцэн барилгын өргөн хэрэглээний материал бүтээгдэхүүний үнэ бага зэргийн өсдөг. Үнийн өсөлтийг бөөний төвийн борлуулагчид эрэлт хэрэгцээ ихэссэнтэй холбон тайлбарладаг.

Интернэтээр худалдан авахыг хүсвэл book.gogo.mn/paper.html дарна уу?

Холбоотой мэдээ