Энэ  намрын “Барилга орон сууц-2013”  олон улсын үзэсгэлэн яармаг 9 дүгээр сарын 6-аас 8-ны өдрүүдэд Мишээл төвд 5 дахь жилдээ зохион байгуулагдахаар боллоо. Үзэсгэлэнд барилгын материалын үйлдвэрлэгч, импортлогч болон барилга, орон сууц гэх мэтчилэн барилгын салбарын бүх чиглэлийг хамарсан аж ахуйн нэгж, компаниуд оролцоно.

Энэхүү үзэсгэлэн  нь Монгол улсад барилгын салбар үүсч хөгжсөний түүхт 87 жилийн ойн баяртай давхцаж байгаагаараа онцлог юм. Мөн Засгийн газраас барилгын салбарыг дэмжиж орон сууцны эрэлт нийлүүлэлтийг тэгш хангах бодлого барьж байгаатай холбогдуулан иргэд барилгын компаниудыг холбох  гүүр болж байгаагаараа давуу талтай.

Үзэсгэлэнгийн үеэр барилгын салбарын ханган нийлүүлэгч, хөрөнгө оруулагчдын уулзалт семинар болон бусад олон сонирхолтой арга хэмжээнүүд зохион байгуулагдана.

Үзэсгэлэнд оролцох хүсэлтэй аж ахуйн нэгж, байгууллагуудын бүртгэл албан ёсоор эхэлсэн тул та бүхэн доорх хаягаар холбогдон бүртгүүлэх боломжтой.

Бүртгэл хариуцсан ажилтан: Д.Цолмонтуяа

Утас: 70113333, 99000981   

Вэб: www.barilgaexpo.mn,   И-мэйл: expo@barilga.mn