Монголын Барилгын Инженерүүдийн Холбооны 2013 оны ээлжит уулзалт 6-р сарын 13-15-ны өдрүүдэд Улаанбаатар хотноо зохион байгуулагдах гэж байна.

Ээлжит цугларалтын хүрээнд:

      6-р сарын 13-ны Пүрэв гараг 14 цагт Холбооны Бүх гишүүдийн хурал Скай плаза /хуучнаар Чехийн элчин сайдын яамны байр/-д  болно. Хурлаар Холбооны 2011, 2012 оны тайлан, Хяналтын зөвлөлийн тайлан, Холбооны дүрмийн нэмэлт, өөрчлөлтийн санал, Удирдах зөвлөл, Залуу инженерүүдийн клуб, Оюутан-Инженер клубуудын зүгээс цаашид тавих зорилтуудаа тодорхойлно.

     6-р сарын 14-ний Баасан гараг 10 цагт гишүүд инженерүүдэд зориулан “Барилгын төслийн зөвлөх үйлчилгээ” сэдэвт семинарыг Япон-Монголын төвд зохион байгуулна.Семинарт Барилгын салбарын зөвлөх үйлчилгээ болон түүнийг хэрхэн нэвтрүүлэх талаар, барилгын томоохон бодит төслүүдэд хэрэгжүүлсэн зөвлөх үйлчилгээний жишээ зэрэг асуудлуудыг хамарсан илтгэлүүд тавигдана.

      6-р сарын 15-ны Бямба гарагт 10 цагт“ Барилгын ажлын хөдөлмөр хамгаалал” сэдвээр олон улсын дугуй ширээний ярилцлага ШУТИС-н номын сангийн хурлын танхимд болно. Энэхүү олон улсын дугуй ширээний ярилцлагад Барилгын салбарын хөдөлмөр хамгаалал, аюулгүй ажиллагаанд тавьж буй хяналт болон цаашид  авах  арга  хэмжээ, БХБЯ-аас хэрэгжүүлж буй “Цэнхэр карт” хөтөлбөрийн талаар манай улсын төрийн болон төрийн бус байгууллага, барилгын салбарын инженерүүд, Япон, Тайвань, Солонгосын  барилгын салбарын төлөөллүүд өөрийн орны барилгын ажлын хөдөлмөр хамгаалалын тухай хэлэлцэж санал бодлоо солилцох юм. 

Нийт гишүүд, дэмжигчид,  барилгын салбарын аж ахуйн нэгж байгууллагын удирдлагууд, инженерүүд  та бүхнийг дээрх арга хэмжээнүүдэд идэвхитэй оролцохыг урьж байна.

Арга хэмжээний талаарх дэлгэрэнгүй мэдээллийг доор хаягаар хүлээн авна уу.

Монголын Барилгын  Инженерүүдийн Холбоо

БГД 17-р хороо, Энхтайваны өргөн чөлөө 45/2,

Баруун 4 зам, Максмалл төвийн зүүн талд

Утас: 330985,  99085635

Факс: 330986

И-мэйл: mace-eec@mongol.net

Вэб: www.mace.org.mn