Засгийн газраас барилгын салбарыг дэмжих улмаар орон сууцны үнийг тогтворжуулах дэд хөтөлбөрийн хүрээнд иргэдэд 8 хувийн хүүтэй зээл олгож эхэлсэнтэй холбогдуулан орон сууцны үнийг зохиомлоор хөөрөгдөж буй талаарх гомдол Шударга өрсөлдөөн, хэрэглэгчийн төлөө газарт ихээр ирэх болжээ.
       Иймд орон сууцны үнээ үндэслэлгүй нэмж буй барилгын компаниудын талаарх мэдээллийг Шударга өрсөлдөөн хэрэглэгчийн төлөө газарт өгч болох бөгөөд тухайн барилгын компаниуд  үнээ үндэслэлгүйгээр нэмсэн нь хяналт шалгалтын дагуу тогтоогдвол цаашид Засгийн газраас хэрэгжүүлэх аливаа хөнгөлөлттэй зээл, тусламж дэмжлэгт хамруулахгүй байх мөн барилгын тусгай зөвшөөрлийг сунгахгүй байх арга хэмжээ авах гэнэ.
Түүнчлэн Засгийн газраас хэрэгжүүлж буй бодлого, хөтөлбөрийг дэмжин эх оронч сэтгэлээр хандахыг барилгын үйл ажиллагаа эрхэлдэг аж ахуйн нэгжүүдэд хандан уриалж байна гэлээ. Орон сууцны үнэтэй холбоотой санал гомдлыг 1284 дугаарын утсаар  хүлээж авч байгаа аж.