Сүүлийн үед эрүүл, согтуу жолооч нарын балгаар зам тээврийн осол ихээр гарах болж, сургуулийн насны хүүхдүүд илүүтэй өртөх болсон. Харин Нийслэлийн Соёл урлагийн газар бага насны хүүхдүүдийг зам тээврийн осолд өртөхөөс урьдчилан сэргийлэх зорилгоор нэгэн өвөрмөц зүйлийг санаачилсан байна. Энэ нь Ерөнхий боловсролын сургуулиудын ойр орчмын явган хүний гарцыг 3D, Street art төрлийн зургаар чимэглэх явдал юм.   

          Нийслэл дэх зам тээврийн осол гарч болзошгүй гэсэн 20 байршлын явган хүний гарцыг сонгон 3D, street art урсгалын зургийг урлаж байна. Эдгээр 3D зургийг дараах байршилд зурахаар төлөвлөжээ. Үүнд 5-р сургуулийн өмнөх зам, 28, 40-р сургуулийн зам, 13-р сургуулийн хойд зам, Монгол 3-р сургуулийн өмнөх зам, 14-р сургуулийн хойд зам, Амгалан цогцолборын өмнөх зам, 1-р сургуулийн өмнөх зам, 34-р сургуулийн өмнөх зам, 32-р сургуулийн зүүн талын зам, 75-р сургуулийн өмнөх зам, 105-р сургуулийн өмнөх зам, 62-р сургуулийн өмнөх зам, 65-р сургуулийн өмнөх зам, 102-р сургуулийн хажуу талын зам, 58-р сургуулийн өмнөх талын зам, 71-р сургуулийн хажуу талын зам, 35-р сургуулийн хажуу талын зам, 49-р сургуулийн хажуу талын зам, 17-р сургуулийн хажуу талын зам,  39-р сургуулийн хажуу талын зам /Дэнжийн мянгын уулзварын дэргэд/ зэрэг газарт зурах юм байна.