УИХ дахь намын бүлгүүд хуралдаж, 2014 оны Төсвийн тухай хуулийн төслийг хэлэлцэж, өөрсдийн байр суурийг нэгтгэсэн. Хэдийгээр өнгөрсөн долоо хоногт УИХ-ын чуулганаар хэлэлцэх байсан ч намын бүлгүүдээс ажлын хэсэг гарч, 2014 оны төсвийн төслийг хэлэлцэх асуудлыг долоо хоногоор хойшлуулаадбайсан юм.

          Намын бүлгүүдээс гарсан ажлын хэсэг нэгдсэн нэг ойлголтод хүрсэн гэж байсан ч өчигдрийн байр сууриар бол нэгдсэн ойлголтод хүрээгүй байгаа нь харагдлаа.  Ардчилсан намын бүлгийн зүгээс "289 объектод аудитын шалгалт хийсэн. Аудитын санал дүгнэлтээр зайлшгүй эргэн харах, хянах шаардлагатай объектууд байгаа, үүнийг хянахад тодорхой цаг хугацаа хэрэгтэй.Тиймээс заримыг нь 2014, 2015 онд царцаах нь зүйтэй”гэх саналыг гаргасан. Үүнээс ажил нь эхлээгүй, төсөлгүй, гүйцэтгэгчгүй, газрын зөвшөөрөлгүй 46 объектыг 2014, 2015 онд төсвөөс нэг мөр хасах санал гарчээ.

              Гэтэл 46 объект бус нийтдээ 65 объектыг 2014 болон 2015 оны төсвөөс хасахаар санал гаргажээ. Энэхүү санал болгосон жагсаалтад 122 тэрбум гаруй төгрөгийн санхүүжилттэй сүр дуулиантайгаар шавыг нь тавиад байсан Хөшигийн хөндийн олон улсын нисэх онгоцны буудал багтсан байна. Мөн нийгэмд зайлшгүй хэрэгтэй байгаа цэцэрлэг, сургууль болон эмнэлгийн 20 объектыг хасахаар тусгажээ.

Төслийг хасах санал гарсан байгууламжийн жагсаалтыг ЭНД ДАРЖ үзнэ үү