БНСУ-д Infinity Tower-ийн  өндөр цамхаг барих барилгын зөвшөөрөлийг олгосон байна.

      АНУ-ын GDS архитектурын компани цамхагийг төлөвлөхдөө өндөр байх дээр анхаарал хандуулсан ба (дэлхийн топ арван хамгийн өндөрт орох нь тодорхой болсон)хамгийн гол нь харагдаггүй байх тал дээр нь ихээхэн анхаарал хандуулжээ.

     450 метр өндөр цамхагийн шилэн бүрхүүл дээр нь LED гэрэлтүүлэг хийж, өвөрмөцөөр байрлуулсан оптик камераар дүрсийг эргүүлэн тусгах мэдрэмж үүсгэж, хөндлөнгөөс харж байгаа хүнд цамхаг нь орчинтойгоо уусан алга болсон мэт харагдах гэнэ.

     Энэхүү цамхагийг 2004 оноос эхлэн барихаар төлөвлөж байсан ч одоо л Yongsan олон улсын нисэх буудлын  дэргэд барилгаа барих зөвшөөрлөө авсан байна.

     Infinity  tower нь 392 метрийн өндөрт байрлах ба үзэгчдийн эргэн тойрноо харах цэгээрээ дэлхийд хоёрдугаарт орж байгаа юм байна. Харин нэгдүгээр байраа хятадын Гуанжу дахь Canton tower нь 488 метрээр хадгалагдаж үлдлээ.Infinityцамхагийн лифтээр зорчигчид дээшээ явах замдаа тусгай техник төхөөрөмжийн тусламжтайгаар гадна байрлах  орчноо мэдэрч, харж баясах гэнэ. Хамгийн гол нь шил хана харагдахгүй. Энэнд л цамхагийн гол нууц оршиж байгаа гэнэ.

    Энэхүү 145,500 м²бүхий байгууламжинд зугаацуулах наадуулах зорилго агуулсан, зочид буудал, усан парк, галзуу хулгана, ресторан, байгалийн цэцэрлэгт хүрээлэн тус тус байрлах бөгөөд барилгын гол төвд нь очиход нэг л сонин хачин гэмээр далдын ид шидийн мэдрэмж төрүүлнэ гэнэ.