Төв аймагт орон сууцны хангамжийг нэмэгдүүлэх, хөдөөгийн иргэдийн ая тухтай амьдрах нөхцлийг хангах зорилгоор тус аймгийн сум бүрт “Угсармал орон сууц” төсөл хэрэгжүүлж эхлээд байна. Төслийн хүрээнд Төв аймгийн 27 суманд дөрвөн өөр төрлийн, өвөрмөц загварын шийдэлтэй 108 угсармал орон сууц барих гэнэ.

Эдгээр орон сууц нь орчин үеийн интерьер, дизайны шийдэлтэй, хөдөөгийн нөхцөлд ая тухтай амьдрах таатай нөхцлийг бүрдүүлсэн байх бөгөөд үнэ өртгийг нь аль болох хямд байх талаар анхаарч байгаа ажээ.

Одоогоор Зуунмод сумын Баянхошуу багт 90 өрхийн жишиг хороолол байгуулах 217.9 сая төгрөгийн төсөвт өртөг бүхий төсөл амжилттай хэрэгжиж байгаа юм байна.