“Барилга Орон Сууц-2013” үзэсгэлэнгийн нээлт маргааш болно
Монгол улсад барилгын салбар үүсч хөгжсөний түүхт 87 жилийн ойн баярын арга хэмжээг тохиолдуулан Барилгын Зөвлөгөө Мэдээллийн Төвөөс зохион байгуулж буй “Барилга орон сууц-2013” үзэсгэлэн яармаг 9 дүгээр сарын 6-8-ны өдрүүдэд Мишээл экспо төвд болно. Үзэсгэлэнгийн нээлтийн ёслол 9 дүгээр сарын 6-ны 13 цагаас Мишээл төвд болох юм.
Үзэсгэлэнгийн хамтран зохион байгуулагчаар БХБЯам, НЗДТГ, Гэр хорооллын хөгжлийн газар зэрэг салбарын төрийн захиргааны байгууллагууд болон МБХ, ЗТЗХ, МБИХ, МБМҮХ зэрэг мэргэжлийн төрийн бус байгууллагууд оролцож байгаа билээ.
Нээлтийн арга хэмжээнд Барилга, хот байгуулалтын сайд Ц.Баярсайхан, БХБЯамны газрын дарга нар, НЗДТГазрын холбогдох албан тушаалтнууд, МБХолбооны Ерөнхийлөгч М.Батбаатар, МБИХолбооны Ерөнхийлөгч Э.Ганзориг нарын хүндэт зочид хүрэлцэн ирнэ.
“Барилга орон сууц-2013” үзэсгэлэн нь хүн амын байнга өсөн нэмэгдэж буй байр, орон сууцны хэрэгцээг хангахад дэмжлэг үзүүлэх, энэ намар Улаанбаатар хотод шинээр ашиглалтанд орж буй орон сууцнуудын үнэ ханшийг тодорхойлох зорилготой юм. Түүнчлэн уг үзэсгэлэнд ипотекийн зээлийн хөтөлбөрт хамрагдсан арилжааны банкуудыг урьж оролцуулан иргэдэд орон сууц, үл хөдлөх хөрөнгийн зээл, лизингийн үйлчилгээг үзүүлэхээр боллоо.
“Барилга Орон сууц-2013” үзэсгэлэнгээс Улаанбаатар хотод баригдаж буй, ашиглалтанд орсон шинэ орон сууцнуудын талаарх дэлгэрэнгүй танилцуулга, Гэр хорооллын дахин төлөвлөлтийн төсөл хөтөлбөрийн тухай болон барилгын материал, дэвшилтэт технологийн талаарх цогц мэдээллийг авах боломжтой.
Үзэсгэлэнгийн өдрүүдэд хамтран зохион байгуулагч байгууллагуудын уулзалт семинар, нээлттэй хэлэлцүүлэг зэрэг олон сонирхолтой арга хэмжээ зохиогдохоос гадна үзэсгэлэнд оролцогч компаниуд барилгын материал, бүтээгдэхүүн үйлчилгээ, шинэ орон сууцандаа хямдрал урамшуулал зарлаж, сугалаат худалдааг зохион явуулах юм.
Тухайлбал,шинээр нэвтэрч буй дэвшилтэт технологи, барилгын материал, сантехник, цахилгааны материалуудыг 10-20%-ийн хөнгөлөлттэй үнээр, амины орон сууцаа захиалаад 20.000$ хөнгөлөлтийг аваад дээр нь гал тогооны тавилгаа үнэгүй авах зэрэг ховорхон боломжийг та бүхэнд олгож байна.
“Барилга орон сууц-2013” үзэсгэлэнгийн хөтөлбөр
2013.09.06-ны өдөр
|
12:50-13:20 |
Нээлтийн арга хэмжээ |
|
13:20-13:40 |
Нээлтийн үйл ажиллагаанд хүндэт зочид үг хэлнэ. /Тууз хайчлах арга хэмжээ явагдана/ |
|
1. Барилга Хот Байгуулалтын сайд Ц.Баярсайхан |
|
|
2. Нийслэлийн засаг дарга, УБ хотын захирагч Э.Бат-Үүл |
|
|
3. "Барилга орон сууц 2013" намрын үзэсгэлэн яармагийг зохион байгуулах хорооны дарга Г.Батсүх |
|
|
13:40-13:50 |
Урлагийн тоглолт |
|
13:50-14:00 |
Хүндэт зочид үзэсгэлэнтэй танилцана. |
|
14:00-15:00 |
VIP зочдын уулзалт, үдийн зоог |
|
15:00-15:30 |
Монголын барилгачдын холбоо мэдээлэл хүргэнэ /Тайз/ |
|
15:30-16:00 |
Гэр хорооллын хөгжлийн газар мэдээлэл хүргэнэ/Гэр хорооллын дахин төлөвлөлт/,/Тайз/ |
|
16:00-16:10 |
Ивээн тэтгэгч байгууллагуудын танилцуулга |
2013.09.07-ны өдөр
|
11:30-12:00 |
Монголын барилгачдын холбоо мэдээлэл хүргэнэ |
|
14:00-14:30 |
Монголын барилгын инженерүүдийн холбоо мэдээлэл хүргэнэ /Тайз/ |
|
16:00-16:30 |
Монголын барилгын материал үйлдвэрлэгчдийн холбоо /Барилгын материалын үйлдвэрлэл, өнөөгийн байдал, тусгай зөвшөөрлийн талаар/,/Тайз/ |
|
16:30-17:00 |
Барилгын зураг төсөл зохиогчдын холбоо мэдээлэл хүргэнэ /Тайз/ |
2013.09.08-ны өдөр
|
13:00-13:30 |
Монголын барилгын инженерүүдийн холбоо /Амины орон сууцны талаар зөвлөгөө мэдээлэл хүргэнэ/ |
|
|
18:30 |
Шагнал гардуулах ёслолын ажиллагаа/Ханбүргэдэй ресторанд/ |
|