Улаанбаатар хотод хэрэгжсэн шилдэг бүтээн байгуулалт, барилга байгууламжийг шалгаруулан “Нийслэлийн бүтээн байгуулалтын дээд шагнал” олгох тухай нийслэлийн Засаг даргын захирамж гарлаа. Энэхүү шагналыг Улаанбаатар хотын 374 жилийн ойн баярыг угтаж энэ жилээс эхлэн жил бүр уламжлал болгон зохион байгуулах бөгөөд тухайн байгууллагынхаа нэр төрийн баталгаа болох юм. Нийслэлийн шилдэг бүтээн байгуулалтын шагналд нэр дэвшүүлэх болон нэр дэвшсэн бүтээн байгуулалт, барилга байгууламжийг шалгаруулахдаа иргэдийн саналыг үндэслэх бөгөөд хэрвээ та саналаа өгөхийг хүсвэл НЗДТГ-ын албан ёсны цахим хуудас www.ulaanbaatar.mn болон Нийслэлийн Ерөнхий Төлөвлөгөөний газрын цахим хуудас www.mpa.ub.gov.mn-нд зочлоорой гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.