Энэ намрын “Барилга орон сууц-2013” үзэсгэлэнгийн 3 дахь өдрийн арга хэмжээ үргэлжилсээр байна. Үзэсгэлэнд барилга, барилгын материалын чиглэлийн бизнес эрхлэгч 120 гаруй аж ахуйн нэгж, компани оролцож Шинэ орон сууц, Амины орон сууц, барилгын материал, барилгын салбарт шинээр нэвтэрч буй дэвшилтэт техник технологи, Амины орон сууцны цэвэр бохир усны систем зэрэг иргэдийн байр, орон сууцны хэрэглээг хангах, тав тухтай байдлыг бүрдүүлэхэд тус болох бүхий л бүтээгдэхүүн, үйлчилгээ байгаа билээ.

Ингээд үзэсгэлэнд оролцогч зарим компаниудын сэтгэгдлийг хүргэе.

“Termigas impianti technology” ХХК:

-        Манай компани Барилга байгууламж барих болон Итали улсаас сантехник, цахилгааны утас, бусад тоног төхөөрөмжүүд оруулж судалгаа хийдэг. Үзэсгэлэнд 6 дахь удаагаа оролцож байгаа. Жил ирэх тусам үзэсгэлэнгийн зохион байгуулалт болон үйлчилгээ сайжирч байгаад баяртай байна. Манайх үзэсгэлэнгийн өдрүүдэд энд худалдаалж буй бүх бүтээгдэхүүндээ 10 хувийн хөнгөлөлт үзүүлж байгаа бөгөөд шинэлэг, тохилог хаусыг танилцуулж байна.

Ультрасоник ХХК:

-        Манай компани гадаад худалдааны чиглэлээр үйл ажиллагаа явуулдаг. Барилгын салбарын үзэсгэлэнд 9 дэх удаагаа оролцож байгаа. Энэ удаагийн “Барилга орон сууц-2013” үзэсгэлэнд олон байгууллага оролцож, маш сайхан болж байна. Үзэсгэлэнг сонирхож байгаа хүмүүс ч их байна.  Үзэсгэлэнгийн үеэр бүх бүтээгдэхүүндээ 10 хувийн урамшуулал зарласан. Жишээ нь: Амины орон сууцны халаалтаа бүрэн шийдүүлбэл ус халаах тоног төхөөрөмжийн үнийн дүнгээс 10 хувийн бонусаа хасуулж худалдан авалт хийж болно.

Парадор Жем ХХК:

-        Манай компани Герман улсын паркет, ламинат шалыг оруулж ирдэг. Энэ үзэсгэлэнд 4 дэх жилдээ оролцож байгаа. Энэ намрын “Барилга орон сууц” үзэсгэлэн сайхан болж байна, цаашид улам өргөжүүлэхийг хүсье. Үзэсгэлэнгийн өдрүүдэд бүтээгдэхүүнээ 5 хувийн хямдралтай үнээр худалдаалж байна.

Каналта констракшн: 

-        Манай компани Амины орон сууц захиалгаар барьдаг. Үзэсгэлэнд анх удаагаа оролцож байгаа. Үзэсгэлэн дуустал нийт үнийн дүнгийн 10 хувийг хөнгөлнө.

Кусацу принт ХХК:

-        Манай компани барилга, орон сууцны чиглэлээр бизнес эрхэлдэг. Барилга орон сууц үзэсгэлэнд 3 жилдээ оролцож байгаа. Энэ удаад Олимпик виллаж хотхоныг танилцуулж байна. Үзэсгэлэнгийн үеэр бидний танилцуулж буй орон сууцны үнийг 100 хувь төлбөл 3 хувь, 50 хувийг төлбөл 2 хувийн хөнгөлөлттэйгээр худалдан авах боломжтой.

Мотиваци ХХК:

-        Манайх Үл хөдлөх хөрөнгийн төсөл хэрэгжүүлэгч байгууллага. Барилга экспо болон Барилга орон сууц үзэсгэлэнд тогтмол оролцдог. Энэ удаагийн үзэсгэлэн их өргөн хэмжээтэй болж байна. Үзэсгэлэнд оролцож байгаа таун хаусандаа 100 хувь төлбөрөө төлбөл хямдрал урамшуулал байгаа.