Сар тутмын мэдээллийн хэрэгсэл Барилга.МН сэтгүүлийн 09 сарын дугаар худалдаанд гарлаа. Монгол Улсад барилгын салбар үүсч хөгжсөний 87 жилийн ойтой зэрэгцэн гарч байгаа сэтгүүлээр дамжуулан БХБ-ын сайд Ц.Баярсайхан, НЗД бөгөөд Улаанбаатар хотын захирагч Э.Бат-Үүл нар үе үеийн ахмад барилгачид, залгамж халаа хойч үе болсон залуу барилгачид, инженер техникийн ажилчдад 87 жилийн баярын мэндийг хүргэхийн сацуу, ойрын хугацаанд барилгын салбарт хийж хэрэгжүүлж байгаа ажлуудынхаа талаар товч мэдээлэл хүргэлээ.

    Мөн барилгын салбарт мэргэжилтэй боловсон хүчний асуудал ямар байгаа, Улаанбаатар хотын өнгө үзэмжийг нэмсэн ямар бүтээн байгуулалтын ажлуд хийгдсэнийг сэтгүүлийн хуудаснаас уншаарай.

Шинэ дугаараас ....

Дугаарын зочин

       Барилга.МН сэтгүүлийн 09 сарын дугаартаа НЗД бөгөөд Улаанбаатар хотын захирагч Э.Бат-Үүлийг урьлаа. Түүнтэй нийслэлийн бүтээн байгуулалтын ажлууд, тусгай зөвшөөрөл, гэр хорооллын дахин төлөвлөлт, нийслэлийн өвөлжилтийн бэлтгэл гээд олон асуудлын эргэн тойронд өрнөж байгаа асуудлуудаар ярилцлаа.

      ... Барилга угсралтын ажлын хувьд “Буянт-Ухаа-1” орон сууцны хороолол 1764 айлын 28 ширхэг 9 давхар орон сууц баригдахаар төлөвлөсөн. Үүнээс 25 ширхэг барилгын угсралтын ажлыг Үндэсний Бүтээн байгуулалтын корпораци гүйцэтгэж байгаа. Өнөөдрийн байдлаар 12 ширхэг барилгын  цутгалтын ажил бүрэн дуусаж, барилга угсралтын ажлын явц 60-65 хувьтай явагдаж байна. Тус барилга угсралтын ажлын  санхүүжилтэд нийт  30 гаруй тэрбум төгрөгийг олгосон. Үлдсэн  3 барилгын гүйцэтгэгч нь Хасу-мандал трейд ХХК бөгөөд барилга угсралтын явц  90 хувьтай явагдаж байна. Төлөвлөсөн 28 барилгаас 12-ыг нь энэ ондоо багтааж ашиглалтанд оруулна.

Дуулгах мэдээ

     Засгийн газраас барилгын материалын үйлдвэрүүдийг дэмжих, үйлдвэрлэлийг нэмэгдүүлэх зорилгоор хөнгөлөлттэй зээлийг аж ахуйн нэгжүүдэд олгож байгаа. Энэ зээл нь үндэсний үйлдвэрлэгчдэд цагаа олсон үр өгөөжтэй зээл болсон юм. Барилгын материалын үйлдвэрүүд байгуулагдсанаар орон сууцны үнийг бууруулах боломж нөхцөл нь бүрдэх юм.

      Барилгын материал үйлдвэрлэгчдийн холбооноос 2014- 2016онуудад байгуулахаар төлөвлөгдөж байгаа үйлдвэрүүдийн судалгааг гаргажээ. Жагсаалтыг Барилга.МН сэтгүүлийн 09 сарын дугаараас уншаарай.

Асуудал хөндсөн сэдэв

Улаанбаатар хотын цахилгаан, дулааны хангамж гээд дэд бүтэцтэй холбоотой асуудлыг хөндлөө.

       Улаанбаатар хотын хүн ам, орон сууцны тооны өсөлтөөс шалтгаалж цахилгааны хэрэглээ ихээхэн нэмэгдсэн бөгөөд цахилгааны үнийг нэмж ухаалаг хэрэглээг хэвшүүлэхээр болов. Цахилгаан, эрчим хүч­ний салбарынхан өнгөрсөн жил 66.3 тэрбум төгрөгийн алдагдалтай ажиллажээ. Тиймээс цахилгааны үнийг  нэмэхгүй бол жилээс жилд алдагдал ихэсч цахилгааны хэрэглээ улам бүр өсөн нэмэгдэж байгаа энэ үед асуудал улам хүндрэх гэнэ. Цахилгаан станцууд нэг кВт цахилгааныг 101 төгрөгөөр үйлдвэрлээд 86 төгрөгөөр худалддагбол нэг Гкал дулааныг 25 мянган төгрөгөөр үйлдвэрлээд 12 мянга 600 төгрөгөөр зардагбайна.

Мэргэжлийн зөвлөмж

     Тав тухтай амьдрал хүн бүхний хүсэл. Энэ хүслийг apartment буюу орон сууц хангаж чадна. Гэхдээ өндөр үнэ, хүүтэй гэхчилэн асуудал бидний санааг зовоож байна. Үүнээс өөрөөр шийдэх боломж байна. Энэ бол иргэд хашаа байшин халаалт, бохир, халуун усаа бүрэн шийдсэн амины тохилог орон сууц болгох юм. Заавал төвийн шугам дагуух газарт биш хаана боловсон ариун цэврийн өрөөтэй байх боломж байна.  Өөрөөр хэлбэл та бие даасан бохирын системийг хашаандаа шийдэж болж байна.

Барилга өгүүлж байна

     Түүх түүхээрээ үлдэнэ. Цаг хугацаа улиран өнгөрсөн барилга байгууламж эрт, эдүгээ ирээдүй 3 цагийн түүхийг өгүүлсээр байна.

      Монголын архитектурын түүхэнд томоохон байр суурь эзлэх гайхамшиштай бүтээлийн нэг нь Амгалан энхийн хаалга юм. Дэлхий дээр ганц ширхэг ч хадаас оруулалгүй углуургаар барьсан таван уран барилга байдгаас дөрөв нь Бээжин хотод байрладаг Манжийн эзэн хааны ордны дөрвөн талд байдаг бол нэг нь Амгалан энхийн хаалга юм.

Дэвшилтэт технологи

Монголын барилгын салбарт шинэ дэвшилтэт технологи нэвтэрлээ.

     Энэхүү будаг нь олон давуу талтай. Хэт ягаан туяаны хамгаалалттай учир байгалийн нөлөөлөлд тэсвэртэйгээс гадна галын аюулаас таны эд хөрөнгө, гэр бүлийг 100 хувь хамгаалж чадах гэнэ.

Өрөөний температурыг жигд хэмтэй байлгах боломжтой

     Thermoshield будаг нь дулааныг өөртөө шингээгээд буцаагаад ялгаруулдаг. Мөн хананд хуримтлагдсан дулааныг маш удаан хадгалж чаддаг нь 40 гаруй эрдэмтэдийн судалгаа, шинжилгээгээр батлагдсан аж.

Үнэ ханш

     Улаанбаатар хотод ашиглалтанд орсон болоод 2013, 2014 онуудад ашиглалтанд 200-аадорон сууцны мэдээллийг дүүргээр нь нэгтгэн гаргалаа. Түүнчлэн орон сууцны үнэ ханштай холбоотой судалгаа мэдээлэл гээд бүрэн цогц мэдээллийг унших боломжтой.

      Мөн 8%-ийн зээлийг олгож эхлэхээс 2 сарын өмнө, олгож эхэлснээс хойш 2 сарын хугацаанд орон сууцны үнэ хэрхэн өөрчлөгдснийг 09 сарын сэтгүүлээс хараарай.

Интернэтээр худалдан авахыг хүсвэл book.gogo.mn/paper.html дарна уу?