Хаврын нарлаг дулаахан энэ сайхан өдрүүдэд барилгын салбарынхны дунд нэгэн халуухан тэмцээн болж өнгөрлөө. “Нэгнийгээ дэмжиж, Нийтээрээ бүтээцгээе” уриан дор явагдсан энэ удаагийн сагсан бөмбөгийн аварга шалгаруулах тэмцээний медалийн төлөөх тоглолтууд тун ширүүхэн болсон юм.
                       Барилгын салбарын ажилтан, албан хаагчид маань шаггүй сайн тамирчид гэдгээ харуулж хоёр өдрийн турш Тэмүүжин спорт заалыг доргиож чадсан. Энэхүү тэмцээний хаалтын ёслолд БХБЯ-ы Төрийн захиргаа удирдлагын газрын дарга н.Доржпалам, Барилгын зөвлөгөө мэдээллийн төвийн захирал Г.Батсүх, БХТөвийн дэд захирал Ч.Отгончулуун,  Барилга.МН сэтгүүлийн эрхлэгч Ч.Баатарсүрэн нар хүрэлцэн ирж шалгарсан баг тамирчдад баяр хүргэж, шагнал гардууллаа.

                   Аливаа уралдаан тэмцээнийг хөгжөөн дэмжигчидгүйгээр төсөөлөх аргагүй. Энэ удаагийн тэмцээнд оролцсон байгууллагуудаас өөрийн багт хамгийн их урам зориг, эрч хүч өгсөн хамт олноор “Роял Нью Кэстл” компани шалгарч “Шилдэг хөгжөөн дэмжигч” шагналын эзэд боллоо.
 

Эрэгтэй шилдэг тоглогчоор “Модун ХХК”-ий тоглогч Сэр-Од, эмэгтэй шилдэг тоглогчоор Монхидро констракшны тоглогч Оюунцэцэг нар шалгарсан.

Эмэгтэй хүрэл медалийн эздээр Хера констракшны баг тамирчид тодорлоо.

Эрэгтэй хүрэл медалийг Суруга Монгол ХХК-ий баг хүртлээ.

Тэмцээний эмэгтэй багийн төрөлд “Альянстех” компаний баг тамирчид мөнгөн медалийн эздээр тодорсон.

“Бүти ХХК”-ий  эрэгтэй баг мөнгөн медаль хүртлээ.

Монхидро констракшны эмэгтэй тамирчид “Barilga Basketball 2012” оны аваргын алтан медалийг хүртэж байсан бол энэ жил дахин аваргаллаа.

Энэ удаагийн барилгын салбарын сагсан бөмбөгийн тэмцээний аваргаар эрэгтэй багуудаас “Модун ХХК”-ий баг тамирчид хурд хүч, авхаалж самбаагаараа илүүрхэж алтан медалийн эзэд болцгоолоо.

Ингээд тэмцээнд идэвхитэй оролцсон бүх баг тамирчид болон хөгжөөн дэмжигч байгууллагууд, хамтран зохион байгуулагчаар оролцсон байгууллага хамт олондоо талархал илэрхийлж байна.