Манай улсад сүүлийн жилүүдэд хуванцар цонх хаалганы үйлдвэрлэл эрчимтэй хөгжиж, ОУ-ын техник технологийн хөгжлийн хурдацтай мөр зэрэгцэн алхаж, энэ чиглэлийн үндэсний үйлдвэрлэлийг ОУ-ын жишигт хүргэхийг зорьж буй бизнес эрхэлгчид олон байна. Сүүлийн жилүүдэд нэвтэрч буй техник технологийн шинэчлэлүүд нь эрс тэс уур амьсгалтай манай орны хувьд барилгын цонхны чанарт нөлөөлж байсан техникийн олон асуудлуудыг шийдвэрлэж, дэвшил ахиц гарч байгаа нь сайшаалтай. Ингээд та бүхэнд “Fensterbau construction”LLC-ийн цонх үйлдвэрлэлийн шат дамжлагыг танилцуулья.

“Fensterbau construction” LLC ерөнхий захирал Б.Энхболд: Бид цонхондоо гурван жилийн баталгаа өгдөг.

Танайх хэзээнээс эхлэн цонх үйлдвэрлэж эхэлсэн бэ?

Албан ёсоор үйлдвэрлэлээ явуулж эхлээд 10 сар болж байна. Цонхноос гадна хаалга үйлдвэрлэдэг. Энэ жилээс эхлээд оффисийн тусгаарлах хана, гадна фасад хийх төлөвлөгөөтэй байгаа.   

Үйлдвэрийн хүчин чадлын хувьд ...

Үйлдвэр маань нээгдээд удаагүй байгаа учраас одоохондоо бүрэн хүчин чадлаараа ажиллаагүй байна. Гэхдээ өдөрт 30-40 ширхэг цонх үйлдвэрлэн гаргах хүчин чадалтай.

Цонхны бэлдэц материалуудаа хаанаас авчирч байна вэ?

Хятадад цонхны бэлдэц материалаа үйлдвэрлэдэг Канадын үйлдвэр байдаг. Тэндээс бэлдэц материалууд, тоноглолуудаа авчирдаг.

Стандарт хэмжээгээр нь тооцоолж үзвэл нэг цонх хэдий хэмжээний өртөгөөр үйлдвэрээс бэлэн болж гардаг вэ?

Ямар материалаар хийх вэ гэдгээс л шалтгаалж үнэ нь гардаг. Манай үйлдвэр роял, кинбон гэсэн 2 төрлийн бэлдэц материалуудыг ашигладаг.

Монголд үйлдвэрлэж байгаа гэдэг импортоор урдаас оруулж ирсэн цонхноос хямд өртөгтэй биз дээ?   

Хямд байлгүй яахав. Хятадаас оруулж байгаа цонхнууд ядаж л чанарын баталгаат хугацаа байхгүй. Хямд байлаа ч гэсэн 1 жил хэрэглээд ахиад солих болдог гээд бодохоор манай цонхноос илүү өндөр өртөгтэй болдог. Манай цонхны хувьд гурван жилийн баталгаа өгч, механик гэмтэл биш л бол зөөлөвч резин энэ тэрийг сольж өгдөг.

Бусад ижил төрлийн цонхноос чанарын хувьд ялгарах давуу тал нь юу вэ?

Цонхны чанарын хувьд “камер” гэж тусгаарлах материалаас ихээхэн шалтгаалдаг. Тэр нь олон байх тусам дуу чимээ тусгаарлах, салхи сийгэлт, хүйтэн нэвтрүүлэлт багасдаг. Манай үйлдвэр шилэн багцаа 10 гаран метрийн урттай канвераар автоматаар угааж, шилээ хавсарч наагаад агаарыг нь соруулж авдаг. Энэ технологи нь цонхонд үүсдэг цанталт болон салхи сийгэлт үүсэхээс хамгаалж өгдөг. Харин Хятадаас оруулж ирж байгаа цонхнуудын хувьд зарим нэг жижиг үйлдвэрүүд нь шилээ угаадаггүй, шил арчигч цацаад сонингоор арччихдаг тохиолдол байдаг юм байна лээ.

Хэдэн метрийн урттай цонх үйлдвэрлэн гаргах боломжтой вэ?

Манай цонхны бэлдэц 5.80 см-ийн урттай байдаг. Тэгэхлээр 5.60 см-ийн урттай цонх үйлдвэрлэн гаргах боломжтой.

Танай компани дээр захиалага өгсөн тохиодолд цонхны суурьлуулалтыг нь хийж өгөх үү?

Үнэгүй суурьлуулалт хийж өгдөг. Бид өөрсдөө очиж хэмжээгээ авдаг. Учир нь иргэд өөрсдөө буруу хэмжээ авчихдаг.

Өвлийн улиралд цонх их цантдаг. Энэ нь юунаас болдог вэ? 

Резин болон шилэн багцаас ихээхэн шалтгаалдаг. Мөн агаарыг нь дутуу соруулах, чийг соруулах зориулалттай амьд будааг бага хийснээс үүсэлтэй байдаг.

Хэрэв та эх орондоо үйлдвэрлэгдсэн чанартай  цонх худалдан авахыг хүсч байгаа бол “Fensterbau construction”-тай хамтран ажиллахыг урьж байна. Дэлгэрэнгүй мэдээллийг 99111703, 99118937,70117878 утсаар холбогдон авах боломжтой.

2 толгойтой эсгэгч машин

Энэ машинаар захиалагчын хүссэн хэмжээгээр цонхны бэлдэцийг тайрч бэлтгэнэ. Цонхны хүрээ буюу нэг нуухт, хөндөл буюу дунд хамрыг тайрч бэлтгэнэ.

Усны ховил гаргагч машин

Захиалагчын хүссэн хэмжээгээр тайрагдсан бэлдэц материал усны ховил гаргагч машин дээр ирнэ. Цас, бороотой үед цонхны усыг дотогш нь нэвтрэхээс хамгаалах сувгыг гаргах зориулалттай машин юм.

Хамар ухагч машин

Сувгыг гаргасаны дараа цонхны бэлдэц хөндөл буюу хамар ухагч дамжлага дээр ирж цонхны хөндлөн хамарнуудыг ухаж бэлдэж өгнө.

Цонхны раманд бэхэлгээ буюу зүрхэвч төмрийг суулгаж өгнө. Төмрүүдийг суулгасаны дараа зөөлөвч резинүүдийг суулгана. Резинүүдийг хийж дууссаны дараа наах үйл явцдаа ордог.

Өмнөх шат дамжлага бүрэн явагдаж дууссаны дараа 270˚С-д халдаг 3 толгойт машин дээр цонхны рамуудыг наана.

Цонхны хэсгүүдийг нааж дууссаны дараа илүү гарсан цавууг цэвэрлэнэ. Ингээд цонхны рам бэлэн боллоо.

 Цонхны шилийг автоматаар угааж, хавсарч наан, агаар соруулагч машин. Автомат канвераар угаагдаад агаар нь сорогдоод гарч ирсэн нь шилийг цонхны рамдаа суулгасаны дараа хэрэглэгч таны гар дээр чанартай цонх очиж байна.