“Барилга экспо 2013” барилгын материалын үзэсгэлэн яармаг 2013.05.03-06-ны өдрүүдэд, 2013.05-10-13-ы өдрүүдэд Орон сууц, үл хөдлөх хөрөнгийн үзэсгэлэнгүүд Мишээл экспод 5 дахь жилдээ зохион байгуулагдах гэж байна. Үзэсгэлэнгийн хамтран зохион байгуулагчаар  Барилга хот байгуулалтын яам, Нийслэлийн Ерөнхий Төлөвлөгөөний Газар, НЗДТГазар зэрэг төрийн байгууллагууд, Монголын Барилгачдын Холбоо, БЗМТөв зэрэг мэргэжлийн ТББ-ууд оролцож байна. Түүнчлэн Татварын Ерөнхий газар, Гаалийн Ерөнхий газар, Стандарт хэмжил зүйн газар зэрэг төрийн байгууллага оролцож, барилгын салбартай холбогдох өөрийн байгууллагын үйл ажиллагаа, дүрэм журмыг танилцуулах уулзалт хийнэ.

       Энэ удаагийн үзэсгэлэнд барилгын салбарын 250  гаруй аж ахуйн нэгж, байгууллага оролцохоор захиалгаа өгсөн. Тухайлбал барилгын хуванцар хоолой, холбох хэрэгслийн үйлдвэрлэл эрхлэгч “Монгол Нью Пластик ХХК”, зураг төсөл, хайгуул судлагаа болон гадаад дотоод худалдаа эрхлэгч “Инженер Геодези ХХК”, барилгын хөөсөнцөр үйлдвэрлэгч Пирамид Индастри ХХК, барилгын төмөр бэлдэц үйлдвэрлэгч Төмөрт Транс ХХК, Угсармал сэндвичэн барилга, шалны халаалт үйлдвэрлэгч  Рилмайк ХХК зэрэг барилгын материал үйлдвэрлэгч, импортлогч болон барилга угсралт, барилгын засал чимэглэлийн компаниуд оролцож бүтээгдэхүүн, үйлчилгээгээ танилцуулна.

        Мөн гадаад орнуудын томоохон хөрөнгө оруулагч, худалдаалагч компаниудын төлөөлөл энэхүү үзэсгэлэнд бараа бүтээгдэхүүн, үйл ажиллагаагаа сурталчилахаар хүрэлцэн ирнэ. Тухайлбал, үзэсгэлэнгийн ерөнхий ивээн тэтгэгчээр Солонгосын дулааны шугам сүлжээ корпораци, Герман чанарыг Монголд уриатай “ЛИАО” брэнд, Өнгө чанарыг тодорхойлогч Японы “Кансей пейнт”  будгийн тэргүүлэгч брэнд зэрэг олон улсад нэр хүндтэй томоохон компаниуд ирж оролцох юм.

Утас: 70113333, 99000981,   И-мэйл: expo@barilga.mn

Вэб:   www.barilgaexpo.mn