Мишээл экспо төвд “Барилга Экспо 2013” олон улсын үзэсгэлэн яармагийн 2-р хэсэг буюу “Шинэ орон сууц, ҮХХ”-ийн үзэсгэлэн яармаг 2 дахь өдрөө амжилттай үргэлжилж байна.

 

     Үзэсгэлэн яармагт нийт 70 гаруй ашиглалтанд орох гэж байгаа болон орсон орон сууц, төсөл хөтөлбөрүүд танилцуулагдаж байна.

 

     Мөн орон сууцаа сонгоод газар дээр нь Голомт, Капитрон, Худалдаа хөгжлийн банкны орон сууцны хөнгөлөлттэй зээлд хамрагдах боломжийг үзэсгэлэнг зорин ирж байгаа хүмүүст бүрдүүлж өглөө.

 

    Үзэсгэлэн яармагт оролцож байгаа орон сууцнууд үнийн дүнгээс шалтгаалан 50,000-100,000 төгрөгний урамшуулалыг зарласан байна. Мөн урьдчилгаа төлбөрийн төлөлтөөс шалтгаалан давхар урамшуулал авах боломжтой.

 

Хямдрал, урамшуулал зарласан зарим орон сууцнуудаас танилцуулж байна.

 

      “Digital 21” орон сууц өрөөний м² тутамдаа 500,000 төгрөгний урамшуулалыг зарлалаа.

 

     Богд хан уулын ноён оргилыг бишрэн харж, Туул голын зөөлөн урсгалыг сонсож европ маягийн цэцэрлэгт хүрээлэн дунд тав тухыг мэдрүүлэх “Олимп цогцолбор” нийт үнийн дүнгээсээ 4-6%-ийн хөнгөлөлтийг зарлажээ.

    

  “Хонгран констракшн” группын барьж байгаа монголын хамгийн том Эко хороолол зөвхөн үзэсгэлэнгийн өдрүүдэд нийт үнийн 30 мянган долларын хөнгөлөлтийг бас зарласан байна.

 

     Ногоон байгууламж, хүүхдийн тоглоомын талбай, усан оргилуур гээд оршин суугчдын тав тухыг хангасан “Corner stone” хотхон м² тутмаасаа 50,000 төгрөг хямдарч байна.

 

     Анар хотхон урьдчилгаа төлбөрийн 80%-ийг төлсөн бол м²-ийг 1,400,000, урьдчилгаа 50%-ийг төлсөн бол 1,500,000-аар тав тухтай орчныг бүрдүүлж чадсан орон сууцтай болох боломжийг танд олгож байна.

    

   Улаанбаатар хотын А зэрэглэлийн бүсэд байрлалтай, бүрэн цутгамал газар хөдлөлтийн 8 баллд тэсвэртэй, үндэсний цэцэрлэгт хүрээлэнгийн дэргэд эко орчинд байртай болох боломжийг “Сүмбэр хотхон” танд олгож байна. Үнийн дүнгээс 100,000 төгрөгийн урамшуулалын хөнгөлөлтийг зарлажээ.

 

 Үзэсгэлэн яармаг 5 сарын 10-13 ний өдрүүдэд Мишээл экспод үргэлжилнэ.