“Барилгын ханган нийлүүлэгчдийн зөвлөгөөн” сэдэвт хэвлэлийн бага хурал болно.
Маргааш буюу 5 дугаар сарын 2-ы өдрийн 11 цагт Монгол ньюс мэдээллийн төвд “Барилгын ханган нийлүүлэгчдийн зөвлөгөөн” сэдэвт хэвлэлийн бага хурал болно.
Барилгын зөвлөгөө мэдээллийн төвөөс 5 дахь жилдээ зохион байгуулж байгаа “Барилга экспо 2013” олон улсын үзэсгэлэн яармаг нь “Барилгын материал, дэвшилтэт технологийн үзэсгэлэн”, “Шинэ орон сууц, ҮХХ-ийн үзэсгэлэн” гэсэн 2 чиглэлээр 5 дугаар сарын 3-аас 13-ы хооронд зохион байгуулагдана. “Барилгын материал, дэвшилтэт технологийн үзэсгэлэн”-ийн нээлтийн арга хэмжээ энэ сарын 3-ы өдөр Мишээл төвд болох гэж байгаатай холбогдуулан “Барилгын ханган нийлүүлэгчдийн зөвлөгөөн“ сэдэвт хэвлэлийн бага хурлыг зохион явуулж байна.
Хурлын үеэр зохион байгуулагчдын зүгээс “Барилга экспо 2013” олон улсын үзэсгэлэнгийн зохион байгуулалтын талаар дэлгэрэнгүй мэдээллийг хийх тул сонирхсон аж ахуйн нэгж, иргэд, хэвлэл мэдээллийн байгууллагуудыг урьж байна.
Дэлгэрэнгүй мэдээллийг 77111777, 91000222 утаснаас лавлана уу.