“Барилга экспо 2013” үзэсгэлэнгийн нээлт өнөөдөр болно
Өнөөдөр 12 цагаас Мишээл төвд “Барилга экспо 2013” олон улсын үзэсгэлэн яармагийн нээлтын ёслол болно.
Үзэсгэлэнгийн нээлтийн үйл ажиллагаанд Барилга, хот байгуулалтын сайд Ц.Баярсайхан, ОСНАА-н Бодлогын хэрэгжилтийг зохицуулах газрын дарга Р.Эрдэнэчимэг, Орон Сууц Санхүүжилтийн корпорацийн гүйцэтгэх захирал А.Гантулга, Нийслэлийн Засаг дарга Э.Бат-Үүл, Улаанбаатар хотын Ерөнхий архитектур Ш.Нацагдорж, Барилгын хөгжлийн төвийн захирал Б.Баярсайхан, МҮХАҮТ-ын Барилга дэд бүтцийн зөвлөлийн дарга Д.Чимэддорж, Монголын ипотекийн корпорацийн гүйцэтгэх захирал Ц.Энхбаяр зэрэг төрийн байгууллагын удирдлагууд болон Барилгын хөгжлийн үндэсний нэгдсэн төвийн ТУЗ-ын дарга Г.Мягмар, Барилгын Зураг төсөл зохиогчдын холбооны гүйцэтгэх захирал А.Батцэнгэл, Барилгын Үйлдвэрчний эвлэлийн холбооны дарга Б.Батцогт нарын мэргэжлийн ТББ-ын удирдах ажилтнууд хүрэлцэн ирнэ. Мөн үзэсгэлэнгийн Ерөнхий ивээн тэтгэгчээр оролцож байгаа Солонгосын дулааны шугам сүлжээний корпораци, Японы “Кansai paint” брэндийн үйлдвэрлэгч “Fuji exim Co.,LTD” , Их Минж ХХКомпаний удирдлага ирж үзэсгэлэнд оролцогчдод мэндчилгээ дэвшүүлнэ.
Тус үзэсгэлэнгийн арга хэмжээ 3-аас 6-ны хооронд болох бөгөөд энэ өдрүүдэд “Барилгын ханган нийлүүлэгчдийн уулзалт”, хямдрал урамшуулалтай сугалаат худалдаа, дэвшилтэт технологийн шоу үзүүлбэр зэрэг олон сонирхолтой арга хэмжээ зохиогдох юм.
Үзэсгэлэнгийн үеэр Засгийн Газраас хэрэгжүүлж байгаа хөтөлбөрт хамрагдсан үйлдвэрлэгч, импортлогч компаниуд оролцож байгаа бөгөөд БХБЯ-тай байгуулсан гэрээний дагуу барилгын материалуудаа хямдралтай үнээр худалдаална.
Үзэсгэлэнд оролцогч гадаад компаниудаас дурьдвал: “ЛИАО” брэнд, Sem System Co.,LTD, Samyang valve Co.,LTD , Taibong industries Co.,LTD , Daebo Paint Co.,LTD, Beijing DuoWei EISPT international Project Technology Co.,LTD зэрэг олон улсад нэр хүндтэй барилгын материал, бүтээгдэхүүн, дэвшилтэт техник технологийн үйлдвэрлэгчид.
Үндэсний шилдэг компаниудаас танилцуулбал: Digital-21 орон сууц, “БНБ Корпорайшн ХХК Монгол Нью Пластик ХХК”, “Инженер Геодези ХХК”, Пирамид Индастри ХХК, Төмөрт Транс ХХК, Ган хийц ХК, Рилмайк ХХК, Шилэн хийц ХХК, Бау Хаус ХХК, Сопрема ХХК, Клаймакс Интернэшнл зэрэг барилгын материал үйлдвэрлэгч, импортлогч болон барилга угсралт, барилгын засал чимэглэлийн аж ахуйн нэгж, компаниуд оролцож бүтээгдэхүүн, үйлчилгээгээ танилцуулна.