Одоогоор “Төрийн банк”-д 2800 орчим хүний материал ирээд байгаа аж. Хамгийн гол нь зээлийн эдийн засагчийн хэлсэн бүрдүүлэх учиртай материалуудыг зохих ёсоор бүрдүүлэх хэрэгтэй.
Мэдээж банкинд хугацаа хэтэрсэн өргүй байх ёстой. Харин эргэн төлөгдөх графикийн дагуу төлөөд явж байгаа, цаашид төлөх санхүүгийн чадамжтай гэдгээ нотолж чадвал зээл олгоход саад болохгүй. Үүнийг нотлохын тулд зээлээ төлсөн баримтаа материалдаа хавсаргана.
Одоогоор Хан-Уул дүүрэгт баригдах “Би Энд Си”, “Хурд” компаний байриуд, Баянзүрхт “Жоннотан”, “Евро аппартмэнт”, “Шинэ очир”, “Билэгт орд” хотхон, Сонгинохайрханд “Өргөө майнтинг”, Баянголд “Тайгам алтай”, Чингэлтэй дүүрэгт “Их модун” компаний бариудаас зургаан хувийн хүүтэй зээл авч болно.
“100 мянган орон сууц” хөтөлбөрийн хүрээнд өгч буй жилийн зургаан хувийн хүүтэй орон сууцний зээлд 50 тэрбум төгрөг зарцуулахаар шийдээд байгаа. Одоогоор 20 тэрбум төгрөг нь шийдэгдээд байна. Энэ зээлийн материалыг “Төрийн банк” хоёр салбараар дамжуулан хүлээн авч байгаа аж. Нэг нь Гадаад харилцааны яамны хажууд, нөгөө нь Бөмбөгөр худалдааны төвийн ойролцоо... Харин саяхан Засийн газраас энэ хөтөлбөрийн зээлийг олгох эрхээ авсан “Капитал” бакны хувьд Засгийн газартай байгуулах гэрээ хэлэлцээр нь дуусаагүй байгаа учир зээл олгож эхлээгүй байна.
Эхлээд “ОССК”-д зээл хамрагдах хүсэлт, Эд хөрөнгийн эрхийн бүртгэлийн газраас анх удаа орон сууцтай болж гэж байгаа гэсэн тодорхойлолт, орон сууц авах байрныхаа компанитай байгуулсан гэрээ гурвыг өгнө. Дараа нь банкинд шаардлагатай материалаа хүргүүлнэ. Ингээд зээлийн хурлаар ороод таны материалыг шаардлага хангана гэж үзвэл та байриндаа орж болно. Харамсалтай дээрх байруудын ихэнх нь баригдаж дуусаагүй байгаа юм билээ.
Та 55 метр квадрат хүртэл талбайтай орон сууц авах боломжтой бөгөөд 50 сая хүртэл зээл авна. Хэрэв 50 сая төгрөг авч байгаа бол сарын цэвэр орлого нь 800 мянга байх ба сар тутам 360 мянган төгрөг 20 жил төлнө. Харин 40 саяыг авбал цэвэр орлого 630, сард 290-ийг төлнө.