Барилга хот байгуулалтын шинэхэн сайд Ц. Баярсайхан өнөөдөр Газрын харилцаа, Барилга, геодези зураг зүйн газар дээр ирж удирдлагуудтай нь уулзаж, салбарынхаа ажил байдалтай танилцлаа. Улс төрийн хүрээнд туршилгатай гэж үздэг түүнийг наймдугаар сарын 17-ны өдөр олонхийн саналаар тус салбарын сайдаар томилсон билээ. 

    Барилгын салбарт юуг анхаарч ажиллах тухай асуухад,  эрх зүйн байдал дээр анхаарч, дотоод дахь барилгын үйлдвэрүүдийг дэмжиж, уламжлалт барилгын материалуудын оронд дулааны алдагдалгүй шинэ технологийг нэвтрүүлэх, гаалийн албан татвараас чөлөөлөх гэх мэт олон зүйл дээр анхаарч ажиллахын сацуу    газар олголт, үнэ, ажиллах хүчин, чанар гээд олон бэрхшээл байгааг дурьдаад   хувийн хэвшилд тулгуурладаг, улиралын чанартай  уг салбарын  ажилчид албан хаагчдын нийгмийн асуудал дээр анхаарч, өвлийн улиралд  ажилчдын  нийгмийн даатгалыг улсаас төлдөг байхаар шийдвэрлэн ажиллахаа хэллээ.