Монголын барилгын салбарт Ногоон барилгын технологийг хөгжүүлэх, нэвтрүүлэх барилгын салбарынхан өөрсдийн үйл ажиллагаандаа хэрхэн хэрэгжүүлж байгаа талаар олон нийтэд хүргэх зорилгоор “Барилга Орон Сууц 2012” үзэсгэлэн яармагийг “Ногоон барилга хөгжлийн гарц” уриан дор амжилттай зохион байгууллаа.

     Ногоон барилга гэдэг нь эрчим хүчний хэмнэлттэй дэвшилтэт технологи нэвтрүүлсэн, хүний эрүүл мэнд болон байгаль орчинд ээлтэй гээд маш олон хүрээний асуудлыг хамарсан ойлголт юм.

    Энэхүү үзэсгэлэн яармагт оролцогч компаниуд эрчим хүчний хэмнэлттэй, байгаль орчинд ээлтэй тоног төхөөрөмжүүдийг өөрсдийн үйл ажиллагаандаа нэвтрүүлсэнийг харахад барилгынханыг “ногоон” дээвэр дор нэгтгэж чадсанаас гадна 2012 оны орон сууцны үнэ ханш ямар байхыг тодорхойлох чухал ач холбогдолтой үзэсгэлэн яармаг болж өнгөрлөө.

 

     Ингээд “Барилга Орон Сууц 2012” үзэсгэлэн яармагийн шилдэг байгальд ээлтэй “Ногоон” компаниудаар:

 

 

    “Солар хаус” ХХК сэргээгдэх эрчим хүчний чиглэлээр тэр дундаа нарны эрчим хүчийг ашиглан эрчим хүч үйлдвэрлэж барилга байгууламжийг халаах, халуун усаар хангах технологийг Монголд анх удаа нэвтрүүлсэн юм. Тус компани нь 2011 оноос эхлэн БНХАУ-ын “Sunrain” ХХК-ийн ISO9001, 14001, Хятад улсын CCC, Европын холбооны Solar Keymark гэх мэт дэлхийн стандартын шаардлага хангасан нарны эрчим хүчээр ажиллах, ус халаах тоног төхөөрөмжийг борлуулах эрхтэй цорын ганц компани юм.

      “Солар хаус” ХХК нь нийслэл хотын агаарын бохирдлыг бууруулах, агаар мандал дахь нүүрстөрөгчийн диоксид, сульфатын диоксидын ялгаралтыг багасгах, агаарын чанарыг сайжруулахыг гол зорилгоо болгон ажиллаж байна.

      Тус компанийн хийсэн томоохон ажлуудаас Хустайн цогцолбор газрын 420м² талбай бүхий оффисийн барилга, Мойлт, Гурван тэмээт, Цогт цэций амралт жуулчны баазад халаалтын системийг суурилуулсанаас гадна Монгол гэрт халуун усны болон халаалтын асуудлыг шийдвэрлэсэн.

 

 

 

    “Инахис” ХХК улс орныхоо хотын хөгжил тохижилтонд хувь нэмрээ оруулах зорилгоор дэлхийн жишигт нийцсэн өөрсдийн үйлдвэрлэсэн резин хавтан болон резин дэвсгэр зэрэг бүтээгдэхүүнийг хэрэглэгчиддээ хүргэж байна.

     Дэлхийд хүлээн зөвшөөрөгдсөн энэхүү резинэн хавтан, дэвсгэр нь хүний эрүүл мэндэд хор нөлөөгүй, цэвэр осол гэмтэлгүй таатай орчныг бүрдүүлдэг юм. Учир нь уг материал нь цементэн талбай болон шороон талбайтай харьцуулашгүй зөөлөнөөс гадна чанар эдэлгээ, галд тэсвэртэй гээд маш олон давуу талтай. Мөн цементэн цутгамал хавтангаас эдийн засгийн хэмнэлттэйгээс гадна цаг зав хэмнэх боломжтой. Хавтангаар угсарсан зам талбайны зарим хэсгээс муудсан тохиолдолд өөрсдөө угсрах бүрэн боломжтой дэвшилтэт бүтээгдэхүүн юм.

 

 

 

     “Их үйлсийн эрэлд” ХХК-ийн Баянмонгол хороолол нь иргэдийн амар тайван аюулгүй эрүүл орчныг дээд зэргээр хангаж чадсан юм. Харин бас нэгэн хорооллыг ашиглалтанд өгөхөөр ажиллаж байгаа нь Их Монгол хороолол юм. Баянзүрх дүүргийн 26-р хорооны нутаг дэвсгэрт баригдаж байгаа "ИХ МОНГОЛ" хорооллын эхний ээлжийн 840 айлын 25-55,5м.кв 1-3 өрөө байруудад захиалга авч эхэллээ.                       

    Автомашины дулаан зогсоол, хүүхдийн тоглоомын иж бүрэн тохижсон талбайтай, ногоон байгууламж, усан оргилууртай, цэвэр агаар эрүүл тохилог орчин болох "Залуусын жишиг хороолол” юм.

 

 

     “Тот Ком сервис” ХХК нь 2000 оны 7-р сарын 01нд байгуулагдсан ба барилга сантехникийн засвар, угсралт үйлчилгээ, аялал жуучлал, гадаад дотоод худалдаа, хортон шавьж устгал, ариутгал зэрэг чиглэлээр үйл ажиллагаагаа явуулдаг юм. Өнгөрсөн хугацаанд тус компани нь Израйль улсын “HOP Engineering” компани, Шведийн “Альфа лавал” компани, БНСУ-ын “Scale buster”, “Daewoo enertec” компанийн албан ёсны дистрибьютер бөгөөд МХАҮТ шалгаруулсан Топ-100 аж ахуйн нэг юм.

     Тус компани нь халуун хүйтэн усны болон халаалтын шугам хоолойд усны хатуулгаас сэргийлж, ус сайжруулагч тоног төхөөрөмжийг нийлүүлж суурилуулахаас гадна цахилгааны хэмнэлттэй 5 төрлийн шалны халаалтын системийг хэрэглэгчиддээ хүргээд байна. Эдгээр дэвшилтэт технилогууд нь химийн бодис болон ямар нэгэн тоног төхөөрөмж хэрэглэлгүйгээр хатуулагтай усыг сайжруулж зэв, өнгөрийг арилгаж устгадагаараа байгаль орчинд ээлтэй гарцуудыг хайж, ашиглахыг зорьж байгаа энэ үед маш тохиромжтой бүтээгдэхүүнүүд юм.

 

 

 

 

 

   Клаймакс интернэшнл ХХК нь 2006 оны 10 сард гадаад, дотоод худалдааны чиглэлээр байгууллагдсан. Өнөөдрийн байдлаар Польш, Турк, Итали, Франц, Герман зэрэг улсуудаас барилгын сантехникийн гадна бохир, цэвэр ус, халаалтын төрөл бүрийн шугам хоолой, холбох хэрэгсэлийг импортлон нийлүүлэх, худалдаалах, угсрах үйл ажиллагааг явуулахаас гадна Монгол дахь албан ёсны төлөөлөгчөөр нь ажиллаж байна. Тус компани нь 1000 гаруй нэр төрлийн 6 750,000,000 /Зургаан тэрбум долоон зуун тавин сая/ төгрөгийн бараа бүтээгдэхүүн Монголын зах зээлд импортолж, тэдгээрийн 91%-ийг хэрэглэгчдэд нийлүүлээд байна.

 

     Энэхүү үзэсгэлэн яармагт нийтдээ 120 компани оролцож хэрэглэгчиддээ үйл ажиллагаа болон материал бүтээгдэхүүнээ танилцууллаа.