“Барилга Орон Сууц 2012” үзэсгэлэн яармагийн азтангууд тодорсоор байна
Азтан: А.Ижилцэцэг: Маш азтай сайхан өдөр байлаа
Юуны өмнө азтан болсонд баяр хүргье?
Баярлалаа. Танай хамт олонд ийм сайхан үйл ажиллагаа зохион байгуулж байгаа явдалд баярлалаа
"Барилга орон сууц 2012" үзэсгэлэн яармагт ямар зорилгоор очсон бэ?
Шинэ орон сууц сонирхохоор очсон. Хангалттай мэдээлэл цуглуулж, хайсан зүйлээ ч олсон.
Хайсан зүйлсээ олохын зэрэгцээ азтан болсон байна. Сэтгэгдлээсээ хуваалцана уу?
Маш азтай сайхан өдөр байлаа. Ийм хүртээмжтэй үр өгөөжтэй үзэсгэлэн яармаг зохион явуулсан танай хамт олонд баярлалаа. Мөн танай вэб сайтаас барилгын талаарх бүхий л мэдээллийг авч чаддаг. "Барилга.МН" Барилгын Зөвлөгөө Мэдээллийн Төвийн хамт олонд ажлын амжилт хүсье.
Азтан: "Тэмүүлэн Од" ХХК-ийн хуулийн зөвлөх Г.Үлэмжжаргал: Би бол "Барилга.МН" сайтын байнгын хэрэглэгч
"Барилга Орон Сууц 2012" үзэсгэлэн яармагт ямар зорилгоор ирсэн бэ? Дэлгүүрийнхээ барилгыг өргөтгөх гээд шинэ агааржуулалт хөргөлтийн систем авах зорилгоор барилгын үзэсгэлэн яармагийг зорьж очсон.
Азтан болсноо яаж мэдсэн бэ?
Би "Барилга.МН" вэб сайтын байнгын хэрэглэгч л дээ. Жирийн өдрүүдийн адил өчигдөр орж байгаад сугалааны азтан тодорлоо гэсэн жагсаалтыг хараад тохируулахад LCD телевизор хожсон байсан.
Үзэсгэлэн яармаг үзсэн сэтгэгдлээсээ хуваалцана уу? Ямархуу болсон гэж үзэж байна вэ?
Оролцож байгаа байгууллагууд өөрсдийн үйл ажиллагааг сурталчилж, иргэдэд танилцуулах, сонирхсон хүмүүст хайсан мэдээллийг хангалттай өгсөн их үр өгөөжтэй үзэсгэлэн болсон. Та бүхэнд маш их баярлалаа.