Интерьер бол орон зайн урлаг
Интерьер дизайнер: Б.Ариунжаргал.
“Интерьер каталоги” ямар болсон байна вэ?
Интерьер сэтгүүл гэхээр гадаадын сэтгүүлийг үздэг байлаа. Харин одоо бол Монголынхоо сэтгүүлийг үзэхийн сацуу гар бие оролцож байгаадаа их баяртай байна. Үзэх унших юм арвин гоё каталоги болжээ.
Интерьер гэдэг ойлголт таны хувьд?
Орон зайн урлаг юм. Тэр орон зайг хүн хүссэн бүхнээрээ дүүргэж болно. Гол нь хэрхэн сэтгэж, ургуулан бодохоос орон зайн дүүргэлтийн үр дүн гарна.
Монголын интерьерийн урлаг ямар түвшинд явагдаж байна вэ?
Чухал нь зураг төслөө бодит харагдахуйц чанарын өнөр түвшинд хийх хэрэгтэй. Монголын нөхцөлд зураг төслийн дагуу гүйцэтгэл хийх боломж тун хомс байдаг нь хүндрэлтэй байдаг. Материал сонголт, гэрэлтүүлэг, захиалагчдын сонирхол зэрэг зүйлс дутагддаг.
Интерьер сонирхдог залуусд хандаж хэлэх үг байна уу?
Илүү олон залуус хамтарч энэ каталоги дээр ажиллъяа. Өрсөлдөөнөөс илүү чанартай бүтээл төрдөг шүү дээ. Монголынхоо интерьер урлагыг сайн хөгжүүлцгээе, бидэнд боломж байна гэдгийг энэхүү каталоги харуулж байна. Бидэнтэй хамтраарай.