Төрийн байгууллагууд олон нийтэд өөрсдийн өнгөрсөн дөрвөн жилд хийж гүйцэтгэсэн ажил, үр дүнг олон нийтэд сурталчлан таниулах зорилготой  “Ардын засаг – Ард түмэнтэйгээ хамт” аяныг зохион байгуулж байгаа билээ.

   Өнөөдрийн нээлттэй өдөрлөгт ЗТБХБЯ-ны харъяа байгууллага болох ГХБГЗЗГ, ССХОБЗА, ИНЕГ, Төмөр замын газар, Авто замын газар, Авто тээврийн газар, МУ-ын далайн захиргаа, МИАТ гээд төрийн байгууллагуудаас гадна хувийн хэвшлийн барилгын компаниуд гээд 20 гаруй байгууллага, аж ахуйн нэгж өдөрлөгт оролцож иргэдэд өөрсдийн мэдээллээ хүргэлээ.

     Энэхүү нээлттэй өдөрлөг Сүхбаатарын талбайд 05 сарын 25-ний өдрийг дуустал зохион байгуулагдах ба яам тус бүр өөрсдийн хийсэн бүтээснээ тайлагнах юм. Иргэд та бүхэн энэ хугацаанд төрийн байгууллагуудын өнгөрсөн дөрвөн жилд хийж бүтээсэн ажлын тайланг харж болох юм.

 

   

Өдөрлөгийн үеэр ГХБГЗЗГ-ын дарга Ц.Ганхүүгээс дараах тодруулгыг авлаа.

 

     Өнөөдрийн энэ өдөрлөгөөр ЗГ өнгөрсөн 4 жилд хийж бүтээсэн ажлаа тайлагнаж байна. Харин ГХБГЗЗГ хуучин Газрын Харилцааны Газар, БОСНААТ гэсэн хоёр агентлаг байж байгаад 2008 оны сонгуулийн үр дүнд нэгдсэн.

     Монгол Улсын хэмжээнд нийт аймаг, сумдуудыг хамарсан 1000 гаруй хүн манай агентлагын харъяалалд ажилладаг. Өнөөдрийн өдөрлөгт ГХБГЗЗГ өөрийн харъяанд байдаг  8 салбарын ажлын тайлан тавьж байна.  

     Монгол Улсын иргэн бүрт газар өмчлүүлэх асуудал улсын хэмжээнд 10%-тай л байна. Үүнийг өсгөх чиглэлээр ажиллаж байгаа боловч эдийн засгийн хувьд эргэлтэнд орох ашигтай байрлалтай газар байхгүй болчихоод байна. Тийм учраас төрийн дэмжлэгтэйгээр дэд бүтцийг хөгжүүлээд иргэдэд газрыг нь өмчлүүлэх ажлыг хийх хэрэгтэй байна.