Барилгын салбарынхан 2012 оны шилдгүүдээ шалгаруулах гэж байна
Монгол Улсын барилгын салбарын аж ахуйн нэгжүүдийн 2012 онд хийсэн ажил, бүтээн байгуулалтыг дүгнэн цэгнэж, шалгаруулах, алдаршуулах зорилгоор зохион байгууллагдаж байгаа “Barilga Awards 2012” ёслол хүндэтгэлийн ажиллагаа болох цаг мөч ойртож байна.
“Barilga Awards” ёслолийн ажиллагаа нь тухайн ондоо салбартаа тэргүүлсэн шилдэг ААН, байгууллага, хувь хүний бүтэн жилийн ажлыг олон нийтийн оролцоо, салбарын ТБ, ТББ-уудын төлөөллүүд дүгнэн шалгаруулж, тэднийг шагнаж урамшуулан олон нийтэд таниулан алдаршуулахад оршино.
Барилга бүтээн байгуулалтын салбарын шилдгүүдийг шалгаруулах ёслолын ажиллагаа, шинэ жилийн баярын цэнгүүнд барилгын салбарын Төрийн болон ТББ-уудын удирдлагууд, ААН компаниудын удирдлага, хүндэт зочид оролцож нэгэн үдэш барилгын салбарын шилдгүүд, бүтээн байгууллагчидтай амжилт, ололтыг нь дүгнэн цэгнэх юм.
Барилга бүтээн байгуулалтын салбарын шилдгүүдийг шалгаруулах ёслолын ажиллагаа, Барилгачдын нэгдсэн шинэ жилийн баярын цэнгүүний үйл ажиллагаа болон шилдэгүүдийг орон даяар телевиз, сонин, вэбсайтаар сурталчилах болно.
Барилгын салбарт тухайн жилдээ амжилттай ажилласан ААН байгууллага, хувь хүний нэрийг дараах номинациудад дэвшүүлнэ. Үүнд:
Байгууллага:
Номинациуд:
1. Оны шилдэг бүтээн байгуулалт
2. Оны шилдэг барилга
3. Шилдэг төсөл хөтөлбөр хэрэгжүүлэгч (Барилга байгууламж, орон сууцны чиглэлээр)
4. Барилгын гүйцэтгэгч шилдэг байгууллага (Барилгын угсралт, инженерийн болон шугам сүлжээ угсралтын чиглэлээр)
5. Барилгын зураг төслийн шилдэг байгууллага
6. Барилгын материал үйлдвэрлэгч шилдэг байгууллага (Барилгын хийц бүтээц, Хашлага хийцийн чиглэлээр)
7. Шинэ техник технологи нэвтрүүлэгч шилдэг байгууллага
8. Нийгмийн хариуцлагатай шилдэг байгууллага
9. Шилдэг ханган нийлүүлэгч байгууллага (Импорт, худалдаа)
Хувь хүн:
1. “Оны онцлох хүн” (Салбарын удирдах ажилтан, ИТА)
Шалгуур үзүүлэлт:
“Барилгын салбарын оны шилдэг”-ийг дараах үзүүлэлтээр шалгаруулна. Үүнд:
Байгууллага:
А. Тухайн жилд гаргасан ажлын амжилт, гүйцэтгэсэн ажлын өсөлт
В. Татвар, Нийгмийн даатгал, Нормчлолын сангийн төлөлт.
Г. Нийгмийн хариуцлага, Хөдөлмөр аюулгүй ажиллагааны хангалт
Д.Барилга, байгууламжийг улсын комисст хүлээлгэж өгсөн акт
Хувь хүн:
А. Тухайн жилд гаргасан амжилт, өсөлт
Бүрдүүлэх бичиг баримт
Барилгын салбарын оны шилдэгт дараах баримт бичгийн хамт 2012 оны 12-р сарын 15-ны 15:00 цагийн дотор “Барилгын салбарын оны шилдэг” шалгаруулалтын комисст ирүүлнэ.
Үүнд:
Байгууллага:
1) Албан бичиг
2) Улсын бүртгэлийн гэрчилгээ, тусгай зөвшөөрлийн хуулбар
3) Байгууллагын танилцуулга
4) Тухайн онд гүйцэтгэсэн ажлын жагсаалт, ашиглалтанд хүлээлгэн өгсөн акт, борлуулалтын мэдээлэл /фото зураг хавсаргаж болно./
5) Анкет /Бөглөнө./
Хувь хүн:
1) Албан бичиг, тодорхойлолт
3) Анкет /Зурагтай/
Шалгаруулалтын комиссын гишүүд тухайн байгууллагын санхүүгийн болон бусад дотоод нууцыг чанд хадгалах ба шалгаруулалтын дүнг нууцална.
Шалгаруулалтад ирүүлсэн материалыг буцааж олгохгүй.
Шалгаруулах журам
Шилдэг байгууллага, хувь хүнийг шалгаруулах шалгаруулалтыг батлагдсан журмын дагуу дараахь 2 хэлбэрээр явуулж шалгаруулна. Үүнд:
· Шилдэг шалгаруулах комиссын гишүүд ТББ-уудын санал, оноо
· Интернетийн олон нийтийн санал асуулгын дүн
зэргийг харгалзан шилдэгийг шалгаруулна.
Шилдэгүүдийг шалгаруулах комисс нь дараахь байгууллагуудаас томилогдсон төлөөлөгчдөөс бүрдэнэ. Үүнд: БХБЯ, БХТ, МБХ, МБИХ, БЗТЗХ, МБМҮХ, МҮХАҮТ, МХЦҮХ, Барилга.МН БЗМТ
Шалгаруулалтанд ирүүлэх материалыг хүлээн авах хаяг: Барилга.МН БЗМТөв.
ЧД 2-р хороо, Нарантуул зочид буудал “Б” корпус 2-р давхарт. Утас: 70113333, 99907814 Хариуцсан ажилтан: Х. Одонтуяа
“Barilga Awards 2012” Ёслолын ажиллагаа, Барилгачдын нэгдсэн шинэ жилийн цэнгүүн 2012 оны 12 сарын 22-ны 18:00 цагт “Чингис” зочид буудалд болно.
Хураамж: 2012-12-12-ны дотор нэг хүний 150,000 ₮
2012-12-13-наас хойш нэг хүний 180,000 ₮
Урилгын захиалга хүлээн авах хаяг: ЧД 2-р хороо, Нарантуул зочид буудал “Б” корпус 2-р давхар, Барилга.МН. Утас: 70113333, 99000981 Д. Цолмонтуяа
Барилгачдын нэгдсэн шинэ жилийн
баярын цэнгүүн зохион байгуулах комисс
Нэр дэвшигч байгууллагын анкет татах