Монгол Улсад Эд хөрөнгийн эрхийн бүртгэлийн ерөнхий газар үүсч хөгжсөний 15 жилийн ойг тохиолдуулан Монголын мянганы сорилтын сангийн Хөрөнгийн эрхийн төсөл болон Улсын бүртгэлийн ерөнхий газартай хамтран “Эд хөрөнгийн эрхийн бүртгэлийн өнөөгийн байдал, цаашдын чиг хандлага” сэдэвт семинарыг Улаанбаатар зочид буудлын “Хөх асар” хурлын танхимд зохион байгууллаа.

 

      Семинарт Хууль зүйн яамны төрийн нарийн бичгийн дарга Ж.Баярцэцэг, АНУ-ын Мянганы сорилтын корпорацийн суурин төлөөлөгч Бурак Инанч, Улсын бүртгэлийн ерөнхий газрын даргын үүргийг түр орлон гүйцэтгэгч Ц.Пүрэвдорж, Монголын Мянганы сорилтын сангийн гүйцэтгэх захиралын үүрэг гүйцэтгэгч бөгөөд үйл ажиллагаа хариуцсан захирал Б.Батбаатар, ГХБГЗЗГ-ын дарга А.Хүрэлшагай нар оролцлоо.

 

      Мөн үл хөдлөх хөрөнгө зуучлалын салбарт үйл ажиллагаа явуулдаг компаниудын төлөөлөл, Монголын банкуудын холбоо, Нийслэлийн газрын алба, Монголын нотариачдын танхим зэрэг энэ салбарт үйл ажиллагаа явуулж байгаа байгууллагуудын төлөөлөл оролцсон юм.

 

     Семинарын үеэр Эд хөрөнгийн эрхийн бүртгэлийн салбарын үүсэл хөгжил, өнөөгийн байдлын талаар холбогдох байгууллагуудын төлөөллүүд илтгэл тавьлаа. Мөн Хөрөнгийн эрхийн төслийн “Эд хөрөнгийн эрхийн бүртгэлийн шинэ системийг тогтвортой хэрэгжүүлэх” зөвлөх багийнхан манай улсын эд хөрөнгийн бүртгэлийн үйл ажиллагааны эрх зүйн орчин, бүртгэлийн байгууллагын бүтэц, зохион байгуулалт, хүний нөөц, санхүү бүртгэлийн систем, хэрэглэгчийн үйлчилгээ ба мэдээлэл солилцоо, эд хөрөнгийн бүртгэлийн цахим систем ба цахим архив гэсэн чиглэлээр нарийвчлан судалж хийсэн тайлангийнхаа үр дүнг танилцууллаа.

 

  Уулзалт семинарын үеэр УБЕГ-ын бүртгэлийн газрын орлогч дарга Г.Цэцгээгээс зарим зүйлийг тодрууллаа.

 

 

     Өнөөдрийн зохион байгууллагдаж байгаа семинар маш их ач холбогдолтой сэдвүүдийг хөндөж, ярьж байна. Өмнө нь хийгдэж бүртгэлийн зарчим зөв байсан уу? цаашдаа ямар өөрчлөлтүүдийг хийх шаардлагатай байгааг эрдэмтэн судлаачид, үл хөдлөх хөрөнгийн салбарынхан, Хууль зүйн яам, УБЕГ-ын төлөөлөгчид оролцож, ярьж байгаагаараа маш онцлог үр өгөөжтэй семинар болж байна. Мөн бид өнгөрсөн 15 жилийн хугацаанд бүртгэлийн үйл ажиллагааг байнга сайжруулахын төлөө ажиллаж ирсэн. Энэ зарчмын хувьд, эрх зүйн зохицуулалтыг эргэж харах боломжийг олгож байгаа юм.

 

 

   Олон улсын стандартад хүргэх зүйл байна. Бүртгэлийн процессын хувьд олон улсад бүртгэл яаж явагддаг тэр зарчмаар л явж ирсэн. Харин мэдээллийн технологийг ашиглах тал дээр учир дутагдалтай. Бид нар бүх бүртгэлийг гараар хийж ирсэн. Бүх бүртгэлийн бичиг баримт цаасан хэлбэрээр хадгалагдаж байгаа. Үүнийг шинэ шатанд гаргах, дэлхий нийтийн жишигт хүргэх шаардлагатай ажлуудыг хийж байна.

 

Аливаа нэг байгууллагад өөрчлөлт орохоор иргэдэд хүндрэл үүсдэг. Бүрдүүлэх бичиг баримтнаас эхлээд...

 

     Одоохондоо өмнө нь цуглуулсан бичиг баримтаа цахимжуулах ажил хийгдэж байгаа учраас иргэдэд ямар нэг хүндрэл байхгүй. Цахимжуулалт бүрэн явагдаж дууссаны дараа иргэдэд учирдаг хүндрэл бэрхшээл хөнгөрнө.