CPSC
Коломбогийн Төлөвлөгөөний хүрээнд Ази, Номхон далайн бүсийн орнуудын хүний нөөцийн хөгжлийг сайжруулах, гишүүн орнуудынхаа техникийн боловсрол, мэргэжлийн сургалтын /ТБМС/ тогтолцоог бүрдүүлэн бэхжүүлэх зорилгоор CPSC буюу Ази Номхон далайн бүсийн хүний нөөцийн хөгжлийн “Техникийн боловсролын ажилтны коллеги” нэртэй Олон Улсын байгууллага 1974 онд байгуулагдсан.

CPSC-ийн бүсийн хэмжээнд ажиллах хүчний шилжих хөдөлгөөн ба мэргэжлийн ур чадварын системүүдийг стандарчилах ба уялдуулан зохицуулах зорилгоор магадлан итгэмжлэл ба батламжлалын үйлчилгээ үзүүлэх APACC буюу Ази, Номхон далайн бүсийн Магадлан итгэмжлэл ба Батламжлалын Комиссыг 2004 оны 12 сард үүсгэн байгуулсан.

Гүйцэтгэх үүрэг:
•    Ази Номхон далайн бүсийн орнуудын Техникийн боловсрол, мэргэжлийн сургалт /ТБМС/-ын байгууллагуудыг магадлан итгэмжлэх, энэхүү итгэмжлэгдсэн  статусыг нь батламжлах
•    ТБМС-ийн байгууллагын магадлан итгэмжлэлийн шалгуур, үнэлгээний аргуудыг боловсруулж, магадлан итгэмжлэлийн үйл ажиллагаа, явцыг зохион байгуулах
•    Гишүүн улс, орнуудын магадлан итгэмжлэлийн үндэсний агентлагуудтай холбоо тогтоож, түншлэх
•    Аккередиторуудийг элсүүлэх, сургах ба давтан сургах
•    Магадлан итгэмжлэл ба Батламжлалын үйлчилгээг шууд үзүүлэх, мөн түүнчлэн уг хөтөлбөрийг хэрэгжүүлэхэд шаардлагатай санхүүжилтийг бий болгох бусад нөөц бололцоо, эх үүсвэрүүдийг олох
•    ТБМС-ийн тогтолцоонуудын чанарыг дээшлүүлэхдэ чиглэсэн “good practice”-ийн эх сурвалж байх зэрэг үйл ажиллагааг гүйцэтгэнэ.





Политехник коллежын эрхэм зорилго:
Олон улсын түвшинд хүрсэн барилгын мэргэжилтэн бэлтгэх тэргүүлэх сургууль байх
Политехник коллежийн магадлуулсан үе шатууд:
•    2007 оны 12-р сарын 1нд Ази номхон далайн орнуудын бүсийн магадлан итгэмжлэлийн байгууллагад хүсэлтээ гарган тусгай хөтөлбөр зааврын дагуу материал бэлтгэн хүргүүлсэн.
•    2007 оны 12 сарын 20 нд Ази Номхон далай бүс нутгийн  магадлан итгэмжлэлийн үндэсний зөвлөл бэлтгэсэн материалыг хянан үзэж манай сургуулийг Магадлан итгэмжлэлд орох боломжтой гэж үзэн 2 сарын дотор өөрийн үнэлгээний тайлан бичих зөвшөөрөл олгосон.

•    Олон улсын магадлан итгэмжлэлийн өөрийн үнэлгээний тайлангийн загварын дагуу 3 бүлэг, 7 шалгуур үзүүлэлтээр,  51 хавсралт бүхий сургуулийн "ӨӨРИЙН ҮНЭЛГЭЭНИЙ ТАЙЛАН"-г 2008 оны 2-р сарын 24-нд англи хэл дээр бэлтгэн онлайнаар илгээсэн.
Сургуулийн "ӨӨРИЙН ҮНЭЛГЭЭНИЙ ТАЙЛАН"-г Ази номхон далайн бүс нутгийн магадлан итгэмжлэх үндэсний зөвлөл хүлээн авч танилцан магадлан итгэмжлэх зөвшөөрөл олгон 2008 оны 9-р сард ирж бодит байдал дээр магадлах тухай мэдэгдсэн. 2012 оны 09 сарын 26, 27-ны өдрүүдэд АРАСС-ын олон улсын Орон нутаг дахь давтан магадлан итгэмжлэх багийн гишүүд манай сургууль дээр ажиллаж байгууллагын үйл ажиллагааг магадлан итгэмжлэх үйл ажиллагааг амжилттай явуулж дуусгалаа.

АРАСС-ын Орон нутаг дахь давтан магадлан итгэмжлэх багийн ахлагчаар док. Хазрат Хусэйн, багийн гишүүдээр проф. Д.Чулуунцэцэг, док. Ц.Лувсандорж нар нар оролцлоо. 
Дашрамд дурдахад манай сургууль нь 2009 оны 06-р сард Монгол улсаас анх удаа Ази, Номхон далайн бүсийн Магадлан Итгэмжлэх байгууллага "CPSC"-аар магадлан итгэмжлүүлж "Хүрэл медаль"-ийн болзол хангаж байсан юм. Энэ медалийн хугацаа 2 жил байдаг тул энэ удаад давтан магадлан итгэмжлэлд орсон билээ.

Давтан магадлан итгэмжлэх үйл ажиллагааны эхний өдөр буюу 2012 оны 09 сарын 26-нд магадлан итгэмжлэх багийн гишүүд сургуулийн сургалтын орчинтой танилцах аялал хийсэн бөгөөд 2012 оны 09 сарын 27-28-ны өдрүүдэд амжилттай магадлан итгэмжлэгдлээ.
•