40 дэх удаагийн “BARILGA EXPO” олон улсын барилгын үзэсгэлэн, яармаг есдүгээр сарын 11-13-нд болно
Барилга, дэд бүтэц, үл хөдлөх хөрөнгийн зах зээл идэвхжиж, орон сууцны эрэлт хэрэгцээ нэмэгддэг намрын улиралд уламжлал болгон зохион байгуулагддаг “BARILGA EXPO” олон улсын барилгын үзэсгэлэн яармаг нь 2026 оны 9 дүгээр сарын 11-13-ны өдрүүдэд “Буянт-Ухаа” ордонд 40 дэх удаагаа зохион байгуулагдана.
Энэ удаагийн үзэсгэлэн яармаг нь Монгол Улсад орчин цагийн барилгын салбар үүсэж хөгжсөний 100 жилийн түүхт ой тохиож буйгаараа онцгой ач холбогдолтой юм. Тиймээс өнгөрсөн зууны ололт амжилтыг дүгнээд зогсохгүй, уур амьсгалын өөрчлөлт, хотжилттой зэрэгцэн ирж буй ирээдүйн 100 жилийн хөгжлийн концепц, шинэ зууны стратегийг тодорхойлох түүхэн мөч болно.
Үзэсгэлэнд ОХУ, БНХАУ, БНСУ, Япон, Герман, Чех, Итали, Турк зэрэг олон улсын салбартаа тэргүүлэгч 100 орчим компани, мөн үндэсний 400 гаруй аж ахуйн нэгж, төсөл хэрэгжүүлэгчид оролцох бөгөөд төр-хувийн хэвшлийн хамтын ажиллагааг бэхжүүлж, цар хүрээг илүү өргөтгөхөөр ажиллаж байна.
Зохион байгуулагчдын зүгээс уур амьсгалын өөрчлөлтөд тэсвэртэй ногоон барилга, эрчим хүчний хэмнэлттэй технологи, ухаалаг хот төлөвлөлт зэрэг ирээдүйн хөгжлийн чиг хандлага, дэвшилтэт шийдлүүдийг онцлон танилцуулахыг зорьж байна.
Үзэсгэлэнгийн үндсэн чиглэлүүд:
Шинэ орон сууц, үл хөдлөх хөрөнгө: Тансаг болон стандарт орон сууц, хаус дизайн, амины орон сууц, үл хөдлөх хөрөнгийн зуучлал, оффис, үйлчилгээний шийдлүүд.
Барилгын материал, дэвшилтэт технологи: Барилгын материал, засал чимэглэл, цахилгаан эрчим хүч, холбоо дохиолол, сантехник, агааржуулалт, интерьер, экстерьер, ландшафт, гадаа талбай, хүнд машин механизм, багаж тоног төхөөрөмж зэрэг багтана.
Арга хэмжээний үеэр хэрэглэгчид болон хөрөнгө оруулагчид тансаг зэрэглэлийн болон стандарт орон сууцны төслүүд, ухаалаг системийн шийдэл, ногоон технологиудтай нэг дороос танилцах боломжтой.
Мөн салбарын мэргэжилтнүүдийн туршлага солилцох семинар, B2B бизнес уулзалтууд болон нарийн мэргэжлийг сурталчлах зорилготой мэргэжлийн ур чадварын уралдаанууд зохион байгуулагдана.
“BARILGA EXPO” нь барилгын гүйцэтгэл эрчимжиж, эрэлт өсдөг зах зээлийн хамгийн оновчтой үеийг сонгон зохиогддог тул борлуулалтын сувгаа идэвхжүүлэх, харилцагчийн хүрээгээ тэлэх өндөр ач холбогдолтой.
Ерөнхий зохион байгуулагч:
BARILGA.MN
Хамтран зохион байгуулагч:
ХОТ БАЙГУУЛАЛТ, БАРИЛГА, ОРОН СУУЦЖУУЛАЛТЫН ЯАМ
НИЙСЛЭЛИЙН ЗАСАГ ДАРГЫН ТАМГЫН ГАЗАР
Ерөнхий ивээн тэтгэгч:
Ивээн тэтгэгч:
Дэмжигч байгууллага:
LANGFANG JIZHI COUNTRY VILLA TECHNOLOGY CO., LTD.
Холбоо барих: 99907816
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.