Монгол Улсад барилгын салбар үүсэж хөгжсөний 100 жилийн ойг тохиолдуулан барилгын салбарын хөдөлмөрийн аюулгүй байдал, эрүүл ахуйн мэдлэгийг дээшлүүлэх, зөв дадлыг хэвшүүлэх, аюулгүй ажиллагааны соёлыг төлөвшүүлэх зорилгоор “Барилгын ХАБЭА” мэргэжлийн номыг “Барилга.МН” болон “Барилгын Сургалт Хөгжлийн Академи” хамтран боловсруулж, хэвлүүлэхээр ажиллаж байна.

Өнөөдөр байгууллагын өдөр тутмын үйл ажиллагаанд аюулгүй ажиллагааг хэвшсэн соёлоор хангах шаардлагатай байна. Энэ хэрэгцээнд үндэслэн боловсруулж буй энэхүү ном нь ХАБЭА-н онолын мэдлэгийг практик хэрэглээтэй уялдуулан, ноксологи, аюулгүй байдлын философи, онолын үндэс, аюулыг илрүүлэх, ангилах, эрсдэлийг үнэлэх болон бууруулах аргачлалаас гадна хөдөлмөрийн аюулгүй байдал, эрүүл ахуйн үйл ажиллагааг байгууллагын түвшинд зохион байгуулах, хэрэгжүүлэх, хянах, үнэлэх арга зүйг багтаасан мэргэжлийн ном юм.

Түүнчлэн барилгын салбарт түгээмэл тохиолддог эрсдэл, ослоос урьдчилан сэргийлэх, хамгаалах хэрэгслийг зөв сонгон хэрэглэх, аюулгүй ажиллагааг өдөр тутмын ажилдаа хэвшүүлэхэд чиглэсэн зөвлөмжүүдийг багтаасан.

Ингэснээр уг ном нь ажил олгогч, удирдах ажилтан, инженер техникийн ажилтан, ХАБЭА хариуцсан мэргэжилтэн болон барилгын салбарын нийт ажилтнуудад ашиглах боломжтой барилгын салбарын хүн бүрийн ширээний ном, гарын авлага болох юм.

Иймд барилгын салбарын ХАБЭА-н үйл ажиллагаатай холбоотой бүтээгдэхүүн, үйлчилгээ, тоног төхөөрөмж, сургалт, шийдэл санал болгодог байгууллага, аж ахуйн нэгжүүдийг энэхүү мэргэжлийн бүтээлийг дэмжиж, байгууллага, бүтээгдэхүүн, үйлчилгээний танилцуулгаа номд байршуулах замаар хамтран ажиллахыг урьж байна.

Энэхүү хамтын ажиллагаа нь байгууллагынхаа брэнд, бүтээгдэхүүн, үйлчилгээ, шийдлийг зорилтот мэргэжлийн орчинд таниулахын зэрэгцээ барилгын салбарын аюулгүй ажиллагааны зөв дадал, соёлыг төлөвшүүлэхэд бодит хувь нэмэр оруулах үнэ цэнтэй боломж юм.

Аюулгүй ажиллагааны зөв дадал, соёлыг хамтдаа төлөвшүүлье

Хамтран ажиллах болон дэлгэрэнгүй мэдээллийг 9990-7816 дугаарт холбогдож авна уу.