Хөдөлмөрийн аюулгүй байдал, эрүүл ахуй нь байгууллагын тогтвортой үйл ажиллагаа, ажилтны амь нас, эрүүл мэндийг хамгаалах үндсэн суурь юм. Ажлын байрны аюулгүй байдлыг хангах нь Монгол Улсын хууль тогтоомжид заасан ажил олгогч, ажилтан бүрийн заавал хэрэгжүүлэх үүрэг байдаг.

Хөдөлмөрийн аюулгүй байдал, эрүүл ахуйн мэдлэг, зөв дадал дутмаг байх нь үйлдвэрлэлийн осол, гэмтэл, эрсдэлтэй нөхцөл үүсэх гол хүчин зүйлүүдийн нэг болдог. Тиймээс ажил олгогч, ажилтан бүр аюулгүй ажиллагааны зохих мэдлэг, ойлголттой байж, өдөр тутмын үйл ажиллагаандаа хэвшүүлэх шаардлагатай.

Ялангуяа барилгын салбар нь өндөр эрсдэлтэй ажлын байр олонтой, үйлдвэрлэлийн осол, гэмтэл, мэргэжлээс шалтгаалах өвчний эрсдэл харьцангуй өндөр салбарын нэг юм. Иймээс байгууллага бүр хөдөлмөрийн аюулгүй байдал, эрүүл ахуйн зөв тогтолцоо, аюулгүй ажиллагааны соёл, хариуцлагатай дадлыг бий болгох нь чухал ач холбогдолтой.

Хөдөлмөрийн аюулгүй байдал, эрүүл ахуйн сургалт зохион байгуулах, шалгалт авах журмын дагуу ажил хөдөлмөр эрхэлж буй нийт ажилтан жил бүр сургалтад хамрагдаж, өөрийн болон бусдын амь нас, эрүүл мэндийг хамгаалахад шаардлагатай мэдлэг, дадлыг эзэмшсэн байх шаардлагатай.

Иймд Барилгын Сургалт Хөгжлийн Академи нь хөдөлмөрийн аюулгүй байдал, эрүүл ахуйн сургалтыг ажил үүргийн онцлог, хариуцлагын түвшинд тохируулан дараах чиглэлээр зохион байгуулж байна.

Сургалтын төрөл:

• Нийт ажилтны хөдөлмөрийн аюулгүй байдал, эрүүл ахуйн сургалт
• Ажил олгогч, удирдах ажилтны хөдөлмөрийн аюулгүй байдал, эрүүл ахуйн сургалт
• Хөдөлмөрийн аюулгүй байдал, эрүүл ахуйн ажилтан бэлтгэх сургалт

Сургалтууд нь Хөдөлмөрийн аюулгүй байдал, эрүүл ахуйн тухай хууль болон холбогдох дүрэм, журам, стандартын шаардлагад нийцсэн хөтөлбөрийн дагуу зохион байгуулагддаг.

Хөдөлмөрийн аюулгүй байдал, эрүүл ахуйн сургалтыг хууль, дүрмийн шаардлага биелүүлэх төдий үйл ажиллагаа гэж ойлгох нь өрөөсгөл юм. Энэ нь ажилтны амь нас, эрүүл мэндийг хамгаалах, үйлдвэрлэлийн осол, зөрчлөөс урьдчилан сэргийлэх, байгууллагын сахилга хариуцлага, бүтээмж, тогтвортой үйл ажиллагааг дэмжих бодит хөрөнгө оруулалт юм.

Сургалтын бүртгэл эхэлсэн тул аж ахуйн нэгж, байгууллагын ажил олгогч, удирдах ажилтан, нийт ажилтан болон хөдөлмөрийн аюулгүй байдал, эрүүл ахуйн чиглэлээр ажиллах мэргэжилтнүүдийг сургалтад хамрагдахыг урьж байна. 

Бүртгүүлэх ЭНД дарна уу.

Утас: 91168944

И-мэйл: bsxa@barilga.mn

Барилгын Сургалт Хөгжлийн Академи

Аюулгүй ажиллагаа бол сонголт биш. 

Ажилтан бүрийн амь нас, эрүүл мэндийг хамгаалах хуулиар хүлээсэн үүрэг, 

байгууллагын нэн тэргүүний хариуцлага юм.