Барилгын салбарын хамгийн сүүлийн үеийн мэдээ мэдээлэл, мэргэжлийн ярилцлага, зах зээлийн судалгаа, шинэ технологийн шийдлүүдийг нэг дор багтаасан “Барилга МН” сэтгүүлийн 195 дахь дугаар уншигчдадаа хүрч эхэллээ.

Энэ удаагийн дугаарын нүүр хуудсыг Пирамид Индастри ХХК-тай хамтран бэлтгэж, барилгын дулаалга болон галын аюулгүй байдлын шинэ үеийн шийдэл болох NF Board галд шатдаггүй хөөсөнцөр хавтанг онцоллоо.

Дугаарын онцлох нийтлэлүүд:

Архитектурын өвөрмөц шийдэл, бүтээлч хандлагаараа танигдсан IQP Italdesign компанийн захирал, архитектор Alberto Zatta энэ удаагийн VIP ярилцлагын зочноор оролцлоо.

Италийн архитектурын өв соёл, Азийн орнуудын хөгжлийн туршлага, Монголын архитектурын ирээдүйн талаар өөрийн үзэл бодлоо хуваалцсан түүний ярилцлагаас 23 жилийн мэргэжлийн замнал, хуримтлуулсан туршлагын сонирхолтой түүхүүдийг уншаарай.

Нийслэлийн орон сууцны түрээсийн зах зээл өнөөдөр ямар дүр зурагтай байна вэ?

Түрээсийн байрны үнэ = Цалин

"Нийслэлийн түрээсийн зах зээлийн бодит төрх” нийтлэлээр түрээсийн үнэ, иргэдийн орлогын түвшин, зах зээлийн өөрчлөлтийг бодит мэдээлэл, тоон үзүүлэлтэд тулгуурлан “Хөндөх сэдэв” булангаар хүргэлээ.

Мөн “Судалгаа” буланд Монгол Улсад хэрэгжиж буй 11.7 их наяд төгрөгийн бүтээн байгуулалтын төслүүд, тэдгээрийн хөрөнгө оруулалтын чиглэл, барилгын салбар болон эдийн засагт үзүүлэх нөлөөллийг дэлгэрэнгүй танилцууллаа.

“Архитектур, дизайн” буланд дэлхийн архитектурын шинэ өнгө төрхийг илэрхийлэх бүтээлүүдийн нэг болох "Барак Обамагийн нэрэмжит Ерөнхийлөгчийн төв"-ийн үзэл санаа, орчин үеийн шийдэл, хот байгуулалтын ач холбогдлыг онцлон хүргэж байна.
“Шинэ материал” буланд ШУТИС-ийн 

• Г.Саран, ШУТИС, Хэрэглээний шинжлэх ухааны сургуулийн Материал судлалын төвийн захирал, доктор (Ph.D), дэд профессор
• Р.Долгоржав, ШУТИС, Хэрэглээний шинжлэх ухааны сургуулийн ХИТ-ийн ахлах багш, доктор (Ph.D), МУ-ын мэргэшсэн инженер

нарын хамтран бэлтгэсэн “Барилгын дулаалгын полиуретан хөөсний галын тэсвэрлэлтийг сайжруулах арга замууд” судалгааны нийтлэлийг хүргэж байна.

Үүнээс гадна “Миний түүх”, Мэргэжилтний зөвлөмж, Амины орон сууц, Шинэ материал зэрэг нийтлэлүүд, үйл явдлын товчоон, гадаадын барилгын салбарын онцлох мэдээ, шинэ чиг хандлагуудыг унших боломжтой.

Мөн шинэ орон сууцны үнэ ханш, барилгын материалын шинэчилсэн үнийн мэдээлэл, ажил гүйцэтгэх үнэлгээний судалгааг энэ дугаараас сонирхоорой.

Барилгын салбарын шинэ мэдээ, мэргэжлийн зөвлөгөө, зах зээлийн мэдээлэл, онцлох нийтлэлүүдийг багтаасан тус дугаарыг 9100-0233 дугаарт холбогдон захиалж, үнэ төлбөргүйгээр хүргүүлэн аваарай.