Дэлхийн улс орнуудад хэрэгжиж буй шинэ үеийн стадионы төслүүд нь спортын байгууламжийг зөвхөн тэмцээн, тоглолтын үеэр ашигладаг орон зай бус, жилийн турш ажиллах олон зориулалттай хотын төв болгон хөгжүүлэх чиг хандлагыг харуулж байна. Архитекторууд стадионыг хотын өнгө төрхийг тодорхойлох архитектурын дурсгалт байгууламж, олон нийтийн орон зайтай уялдсан цогц бүтээн байгуулалт болгон төлөвлөж байна.

Шинэ үеийн стадионууд үзэгчдийн суудал, спортын талбайгаар хязгаарлагдахгүй болж, худалдаа үйлчилгээ, хоолны газар, оффис, соёл урлаг, олон нийтийн арга хэмжээ, ногоон байгууламжийг нэг дор төвлөрүүлсэн олон зориулалттай цогцолбор болон хөгжиж байна.

Стадионыг зөвхөн тоглолтын өдөр ашиглах нь барилгын талбай, дэд бүтэц болон хөрөнгө оруулалтын үр өгөөжийг хязгаарладаг. Тиймээс архитекторууд тухайн байгууламжийг жилийн турш иргэд ашиглах боломжтой, хотын эдийн засаг болон нийгмийн амьдралд тогтмол үйлчлэх орон зай болгохыг зорьж байна.Үүний тулд шинэ төслүүдэд ногоон дээвэр, нийтийн талбай, худалдаа үйлчилгээний хэсэг, явган хүний зам, ландшафтын шийдэл болон бусад барилга байгууламжтай холбогдох орон зайг цогцоор нь төлөвлөж байна.

Зарим стадионы архитектурт барилгын дээвэр, фасадын хэлбэрийг тухайн спортын талбайн геометртэй уялдуулах, хотын түүх, соёлын онцлогийг фасадын шийдэлд тусгах зэрэг өвөрмөц шийдлүүдийг ашиглажээ.

ВАШИНГТОНЫ 70 МЯНГАН СУУДАЛТ СТАДИОН 

Энэхүү чиг хандлагын тод жишээ нь АНУ болон Европын орнуудад хэрэгжиж буй шинэ стадионы төслүүд юм. Тэдгээрийн зарим нь стадионыг худалдаа үйлчилгээ, нийтийн талбай, ногоон байгууламжтай холбосон шинэ хот байгуулалтын загварын нэг хэсэг болгон төлөвлөж байна.

МАНЧЕСТЕР ЮНАЙТЕДИЙН 100 МЯНГАН СУУДАЛТ СТАДИОН

Энэ нь одоогоор хэрэгжиж буй болон төлөвлөгдөж буй ирээдүйн стадионы төслүүдэд ажиглагдаж буй шинэ чиг хандлага юм. Дэлхийн тэргүүлэх архитектур, хот төлөвлөлтийн компаниуд шинэ үеийн спортын байгууламжийг төлөвлөхдөө стадион, хотын орон зай болон олон нийтийн хэрэгцээг нэгтгэсэн шийдлүүдийг түлхүү нэвтрүүлж байна.

Ийнхүү стадион нь зөвхөн спортын тэмцээн үзэх газар бус, хотын өдөр тутмын амьдралд үйлчилдэг олон зориулалттай архитектурын төв болон өөрчлөгдөж байна. Дэлхийн улс орнуудад хэрэгжиж буй ийм төрлийн төслүүдээс архитектурын шийдэл, хэлбэр хийцээрээ онцгой 3 стадионыг онцолж байна.