Америкийн Нэгдсэн Улсын барилгын салбар 2026 оны эхний хагсын байдлаар ажил эрхлэлтийн өсөлтөө хадгалж, хөдөлмөрийн эрэлт тогтвортой байгааг харууллаа. 

Америкийн Ерөнхий Гүйцэтгэгчдийн Нийгэмлэгийн (AGC) дүн шинжилгээгээр, барилгын компаниуд зургаадугаар сард 11 мянган ажлын байр шинээр бий болгож, сүүлийн 12 сарын хугацаанд нийт 64 мянган ажлын байр нэмсэн байна.

Мөн энэ хугацаанд барилгын мэргэжлийн ажилчдын цалин нийт үйлдвэрлэлийн ажилчдын цалингаас илүү хурдацтай өссөн байна. Энэ нь барилгын салбарт мэргэшсэн ажиллах хүчний эрэлт өндөр хэвээр байгаагийн нэг илрэл болж байна.

Гэсэн хэдий ч салбарын албаныхан цаашид барилгын салбарын ажил эрхлэлтийн өсөлт саарах эрсдэлтэйг анхааруулжээ. Ажиллах хүчний хомсдол, мэргэшсэн ажилтны эрэлт, салбарын ажиллах хүчний насжилт зэрэг асуудал нь барилгын салбарын цаашдын өсөлтөд нөлөөлөх хүчин зүйл хэвээр байна.

Иймээс барилгын салбарын өсөлтийг тогтвортой хадгалахад хөрөнгө оруулалт, бүтээн байгуулалтаас гадна мэргэшсэн ажиллах хүчнийг бэлтгэх, ажилтнуудын ур чадварыг дээшлүүлэх, салбарт шинэ ажиллах хүч татах бодлого чухал ач холбогдолтой болж байна.