Сүүлийн жилүүдэд хиймэл оюун ухаан (Artificial Intelligence, AI)-д суурилсан технологиуд дэлхий даяар хурдацтай хөгжиж, барилга, үл хөдлөх хөрөнгө, хот төлөвлөлт, дэд бүтцийн салбаруудад өргөн хүрээнд нэвтэрч байна. Энэхүү технологийн дэвшил нь төлөвлөлт, зураг төсөл, барилгын менежмент, хөрөнгийн удирдлага болон хэрэглэгчийн үйлчилгээний арга барилыг шинэ шатанд гаргах боломжийг бүрдүүлж байгаа юм.

Barilga.mn нь үйл ажиллагааныхаа хүрээнд дижитал шилжилт, технологийн шинэчлэлийг тасралтгүй хэрэгжүүлж, хиймэл оюун ухаанд суурилсан шинэ платформ хөгжүүлэн хэрэглэгчдэд хүргэхээр ажиллаж байна. Энэхүү шинэчлэлийн хүрээнд барилгын салбарын мэргэжилтнүүд, аж ахуйн нэгжүүд болон оролцогч талуудад AI технологийн хэрэглээ, хөгжлийн чиг хандлага, бодит боломж, үр өгөөжийн талаар мэдлэг, мэдээлэл олгох зорилгоор “AI барилгын бизнесийн хурдасгуур” сэдэвт сургалт, хэлэлцүүлгийг 2026 оны 6 дугаар сарын 25-ны өдөр Барилгын хөгжлийн төвийн “Барилгачин” танхимд зохион байгуулах гэж байна.

Арга хэмжээний үеэр дараах үндсэн илтгэлүүдийг танилцуулна. Үүнд:

• Хиймэл оюун ухааныг үр дүнтэй ашиглах нь 

• Barilga.mn платформын хиймэл оюун ухаанд суурилсан шинэ боломжууд

•  Тавилга, интерьерийн рендерийг AI ашиглан хийх нь

• BIM ба AI интеграц 

•  Барилгын ханган нийлүүлэлтийн шинэ тогтолцоо

Мөн “Хиймэл оюун ухаан барилгын салбарын хөгжлийг хурдасгах уу?” сэдвийн хүрээнд нээлттэй хэлэлцүүлэг өрнүүлж, салбарын төлөөлөл, экспертүүд оролцогчдын асуултад хариулан санал бодлоо солилцоно.

Иймд хиймэл оюун ухааны талаарх мэдлэгээ нэмэгдүүлэх, үйл ажиллагаандаа AI технологийг нэвтрүүлэх боломжийг судлах сонирхолтой барилгын салбарын мэргэжилтнүүд, бизнес эрхлэгчид, байгууллагын төлөөлөл та бүхнийг хүрэлцэн ирж оролцохыг урьж байна.

Ерөнхий зохион байгуулагч: Барилга МН 

Хамтран зохион байгуулагч: Барилгын Хөгжлийн Төв 

Ивээн тэтгэгч: Барилгачин групп 

ЭНД ДАРЖ БҮРТГҮҮЛНЭ ҮҮ

Холбоо барих: 99907816