Барилга, дэд бүтэц, үл хөдлөх хөрөнгийн зах зээл идэвхжиж, орон сууцны эрэлт хэрэгцээ нэмэгддэг намрын улиралд зохион байгуулагддаг “BARILGA EXPO” олон улсын барилгын үзэсгэлэн яармаг 2026 оны 9 дүгээр сарын 11-13-ны өдрүүдэд “Буянт-Ухаа” ордонд 40 дэх удаагаа зохион байгуулагдахаар товлогдлоо.

Энэ удаагийн үзэсгэлэн яармаг нь Монгол Улсад орчин цагийн барилгын салбар үүсэж хөгжсөний 100 жилийн түүхт ойн хүрээнд зохион байгуулагдаж буйгаараа онцгой ач холбогдолтой юм. Уг арга хэмжээ нь өнгөрсөн зууны ололт амжилтыг дүгнээд зогсохгүй уур амьсгалын өөрчлөлт, хотжилттой зэрэгцэн ирж буй ирээдүйн 100 жилийн хөгжлийн концепц, шинэ зууны стратегийг тодорхойлох түүхэн мөч болж байна.

Тус үзэсгэлэнд ОХУ, БНХАУ, БНСУ, Япон, Герман, Польш, Итали, Турк зэрэг олон улсын салбартаа тэргүүлэгч 100 орчим компани, мөн үндэсний 400 гаруй аж ахуйн нэгж, төсөл хэрэгжүүлэгчид оролцдог. Энэ удаа зохион байгуулагчдын зүгээс Төр-Хувийн хэвшлийн хамтын ажиллагааг бэхжүүлж, цар хүрээг нь илүү өргөтгөхөөр ажиллаж байна.

Зохион байгуулагчид уур амьсгалын өөрчлөлтөд тэсвэртэй ногоон барилга, эрчим хүчний хэмнэлттэй технологи, ухаалаг хот төлөвлөлт зэрэг ирээдүйн хөгжлийн чиг хандлага, дэвшилтэт шийдлүүдийг онцлохоор зорилт тавьжээ. Мөн амьдрахад таатай хот төлөвлөлт, барилгын угсралтын бүтээмжийг нэмэгдүүлэх орчин үеийн технологи, эрчим хүчний хэмнэлттэй ногоон шийдлүүдийг олон нийт болон салбарын мэргэжилтнүүдэд хүргэхийг зорьж байна. 

Үзэсгэлэнгийн үндсэн чиглэл:

Шинэ орон сууц, үл хөдлөх хөрөнгө

• Тансаг болон стандарт орон сууц

• Хаус дизайн

• Амины орон сууц

• Үл хөдлөх хөрөнгийн зуучлал

• Оффис, үйлчилгээний шийдлүүд

Барилгын материал, дэвшилтэт технологи

• Барилгын материал

• Засал чимэглэл

• Цахилгаан эрчим хүч, холбоо дохиолол

• Сантехник, агааржуулалт

• Интерьер, экстерьер

• Ландшафт, зураг төслийн шийдлүүд

Гадаа талбай

• Хүнд машин механизм

• Багаж тоног төхөөрөмж

• Угсралтын материал

• Зөөврийн сууц

• Амины орон сууцны жишиг загварууд

Үзэсгэлэнгээр үзэгч хэрэглэгчид болон хөрөнгө оруулагчид тансаг зэрэглэлийн болон стандарт орон сууцны төслүүд, ухаалаг системийн шийдэл, эрчим хүчний хэмнэлттэй ногоон технологиудтай нэг дороос танилцах боломж бүрдэнэ. 

Экспогийн өдрүүдэд туршлага солилцох салбарын мэргэжилтнүүдийн семинар, бизнес уулзалтууд (B2B) болон барилгын салбарын нарийн мэргэжлийг сурталчлах зорилготой мэргэжлийн ур чадварын уралдаанууд зохион байгуулагдана.  

“BARILGA EXPO” нь барилгын гүйцэтгэл эрчимжиж, үл хөдлөх хөрөнгийн хөрөнгө оруулалтын өгөөж болон эрэлт оргилдоо хүрдэг зах зээлийн хамгийн оновчтой үеийг сонгон зохион байгуулагддаг. Энэ нь оролцогч компаниудын хувьд борлуулалтын сувгаа идэвхжүүлэх, бүтээгдэхүүн үйлчилгээгээ зорилтот хэрэглэгчдэд шууд хүргэх, харилцагчийн хүрээгээ тэлэх, зах зээл дэх байр сууриа бэхжүүлэх өндөр ач холбогдолтой билээ.

Үзэсгэлэнгийн тов зарлагдсанаас хойш талбайн захиалга идэвхтэй явагддаг тул оролцохоор төлөвлөж буй байгууллагууд талбайн сонголтоо эртнээс баталгаажуулахыг зөвлөж байна.

Ерөнхий зохион байгуулагч:
 BARILGA.MN

Хамтран зохион байгуулагч:

Хот Байгуулалт, Барилга, Орон Сууцжуулалтын Яам

Нийслэлийн Засаг Даргын Тамгын газар 

Барилгын Хөгжлийн Төв 

Холбоо барих: 99907816

БҮРТГҮҮЛЭХ