Иргэдийн эрүүл, тав тухтай, эрчим хүчний хэмнэлттэй орчинд амьдрах хэрэгцээ нэмэгдэж буй энэ үед “Амины Орон Сууц Экспо” үзэсгэлэн өнөөдөр Барилгачин худалдааны төвд нээлтээ хийлээ.

Нээлтийн ёслолд ХББОСЯ-ны Төрийн нарийн бичгийн дарга  М.БАЯРАА, БарилгаМН-ийн ТУЗ-ын дарга, Барилгачин группын Ерөнхий захирал Г.БАТСҮХ, ХББОСЯ- ны Барилга, барилгын материалын бодлого зохицуулалтын газрын дарга Б.МӨНХТӨР, Нийслэлийн агаар, орчны  бохирдолтой тэмцэх газрын дарга Д.МӨНХБААТАР, Ногоон барилгын хүрээлэн ТББ гүйцэтгэх захирал Ц.БАТГЭРЭЛ тэргүүтэй салбарын төрийн болон хувийн хэвшлийн төлөөлөл оролцож, үг хэллээ. 

Гурван өдрийн турш үргэлжлэх тус үзэсгэлэнгээр амины орон сууц барих, засвар шинэчлэл хийх, инженерийн дэд бүтэц шийдэх, халаалтын системээ шинэчлэх, дулаан алдагдлыг бууруулах зэрэг цогц шийдлүүдийг 70 гаруй шилдэг аж ахуйн нэгжүүд бүтээгдэхүүн, үйлчилгээ, шинэ технологио дэлгэн үзүүлж, иргэдэд зөвлөгөө мэдээлэл өгч байна.

Үзэсгэлэнгийн үндсэн чиглэл:

Амины орон сууц, Барилга угсралт

• Хаус барилгын компаниуд (төсөл хөгжүүлэгч, ерөнхий гүйцэтгэгч)
• Зуслангийн болон байнгын оршин сууцны байшин
• Модон болон угсармал хаус (түргэн шийдэл)

Барилгын материал

• Тоосго, блок, бетон хийц
• Дулаалгын материал (эрчим хүчний хэмнэлт)
• Дээвэр, фасадны шийдлүүд

Интерьер, Дотоод засал

• Интерьер дизайн, зураг төсөл
• Захиалгат тавилга, тоноглол

Гадна тохижилт

• Ландшафт дизайн: Цэцэрлэгжүүлэлт, төлөвлөлт
• Хашаа, хаалга, Хамгаалалт, гадна орчны тохижилт, шийдэл

Инженерийн шийдэл

• Халаалт, агааржуулалт, ус хангамж, цэвэр бохирын шийдэл, цахилгаан систем
• Сэргээгдэх эрчим хүч, Нарны эрчим хүч, дулааны насос, хэмнэлттэй шийдлүүд

Ухаалаг технологи

• Автоматжуулалт, Хяналтын болон аюулгүй байдлын систем

Санхүүгийн үйлчилгээ

• Банк болон  Ипотекийн зээл
• Даатгал
• Ногоон зээл

Барилгын тоног төхөөрөмж

• Барилгын машин механизм
• Багаж хэрэгсэл гэх мэт амины орон сууц барихад хэрэгтэй бүхий л бүтээгдэхүүнүүд танилцуулна.

Мөн амины орон сууц, инженерийн шийдэл, ногоон барилгын чиглэлийн хамгийн сүүлийн үеийн мэдээлэл, технологийг мэргэжилтнүүдийн семинараас үнэ төлбөргүй сонсох боломжтой.

2026.05.16 - Бямба гарагт “Амины орон сууцны төлөвлөлт” сэдвээр (12:00–14:00)

• Нийтэд хүртээмжтэй төлөвлөлт /АОС/
   В.Ойдов — Нийтэд Хүртээмжтэй Пассив Лаборатори Хауз төслийн санаачлагч
• Тэг эрчим хүчний сууц
   Б.Мөнхбаяр — ШУТИС ЭХИС-ийн багш
• Эрчим хүчний хэмнэлттэй амины орон сууцны төлөвлөлт зураг төсөлт тавигдах шаардлага
   А.Отгончимэг — Амины Орон Сууцны Инновац Хөгжлийн Төвийн Гүйцэтгэх захирал
• Угсармал хийцийг амины орон сууцад төлөвлөх нь
   З.Цэнгэлмаа — “Эн Си Ди Прекон ХХК”-ийн архитектор
• Агаар сэлгэлтийн оновчтой төлөвлөлт
   Ц.Уранцэцэг — Зөвлөх инженер, БАС - ийн багш доктор, дэд профессор 
• Эрчим хүчний хэмнэлттэй цонх
   Л.Гантөмөр — “Цонх Констракшн ХХК”-ийн захирал

2026.05.17 - Ням гарагт “АОС халаалт, инженерийн шийдэл” сэдвээр (12:00–14:00)

• Нар + батарейн системийн ухаалаг төлөвлөлт
  Г.Бат-Эрдэнэ — “Монкабель системс" ХХК - ийн Барилгын Технологийн хэлтсийн захирал 
• АОС-ийн хийцлэлийн давуу ба сул тал
   О.Хишигмөнх — “Барилгачин Групп”-ын инженер
• Хувийн хаус хотхоны цэвэрлэх байгууламж
   С.Отгончулуун — “БауХаус” ХХК-ийн Ерөнхий инженер 
• BestGer ногоон барилгын үнэлгээний гэрчилгээ
   Ц.Батгэрэл — Ногоон барилгын хүрээлэн гүйцэтгэх захирал
• Барилгыг сэргээгдэх эрчим хүч үйлдвэрлэгч болгон хувиргаж буй BIPV технологи
   С.Болорбайгаль — BIPV Glass технологийн сургагч багш 
• Амины орон сууц барихдаа санхүүгээ төлөвлөх нь
   Ч.Батцэнгэл — Зохион бүтээгч, зөвлөгч Архитектор 

Эдгээр семинаруудад амины орон сууц барих, шинэчлэх болон эрчим хүчний хэмнэлттэй шийдэл сонгохоор зорьж буй иргэд өөрсдийн сонирхсон асуултаа чөлөөтэй асууж, мэргэжилтнүүдээс зөвөлгөө аваарай.

B2B уулзалт: Бизнесийн байгууллагуудтай нүүр тулан уулзаж, харилцаа холбоогоо тэлэх, шинэ түншлэл, хамтын ажиллагаа эхлүүлэх нээлттэй.

Хэрэглэгч та, Засвар хийх эсвэл шинээр АОС барихаар төлөвлөж байгаа бол энэхүү экспог зорьж, шинэ төсөл, шийдлүүдтэй танилцан, материал тоног төхөөрөмжийг газар дээр нь захиалах эсвэл шууд худалдан авч бүх шийдлээ нэг дороос шийдээрэй. 

Та бүхнийг Барилгачин худалдааны төвд хүрэлцэн ирж, амины орон сууцны ногоон өдрүүдэд нэгдэхийг урьж байна.

Ерөнхий зохион байгуулагч:

БАРИЛГА МН

Хамтран зохион байгуулагч

ХОТ БАЙГУУЛАЛТ, БАРИЛГА, ОРОН СУУЦЖУУЛАЛЫН ЯАМ

НИЙСЛЭЛИЙН ЗАСАГ ДАРГЫН ТАМГЫН ГАЗАР

БАРИЛГЫН ХӨГЖЛИЙН  ТӨВ

МОНГОЛЫН БАРИЛГЫН ИНЖЕНЕРҮҮДИЙН ХОЛБОО

АМИНЫ ОРОН СУУЦНЫ ИННОВАЦ ХӨГЖЛИЙН ТӨВ 

MONGOLIAN GREEN BUILDING COUNCIL 

БАРИЛГАЧИН ХУДАЛДААНЫ ТӨВ

Дэлгэрэнгүй мэдээллийг: 99907816