Иргэдийн тав тухтай, дулаан орчинд амьдрах нөхцөлийг бүрдүүлэх, хуучны угсармал орон сууцны дулаан алдагдлыг бууруулах зорилгоор фасадын дулаалга, дээврийн засвар, шинэчлэлийн ажлыг үе шаттай хэрэгжүүлж байна.

Энэ ажлын хүрээнд Сонгинохайрхан дүүргийн 15 дугаар хороонд байрлах 23 дугаар байрны таван блок орон сууцанд гадна фасадын дулаалга, дээврийн засварын ажил 65 хувийн гүйцэтгэлтэй үргэлжилж байна

Төслийг Нийслэлийн Засаг даргын Тамгын газраас зохион байгуулж, Улаанбаатар хотын орон сууцны эрчим хүчний үр ашгийг дээшлүүлэх төслийн хүрээнд Германы олон улсын хамтын ажиллагааны нийгэмлэг (GIZ)-ийн дэмжлэг болон нийслэлийн төсвийн хөрөнгө оруулалтаар хэрэгжүүлж байна. Энэхүү шинэчлэл нь эрчим хүчний хэмнэлтийг нэмэгдүүлэхээс гадна оршин суугчдын амьдрах орчны чанарыг сайжруулах ач холбогдолтой юм.