Монгол Улсад хотжилт эрчимжихийн хэрээр иргэдийн амьдрах орчны талаарх шаардлага эрс өөрчлөгдөж байна. Агаарын бохирдол, төвлөрөл, дэд бүтцийн ачаалал зэрэг хүчин зүйлс нь эрүүл, тайван, бие даасан орчинд амьдрах шийдлийг эрэлхийлж байгаа нь амины орон сууцны эрэлт хэрэгцээг нэмэгдүүлж байна. 

Мөн Нийслэлийн Статистикийн газрын 2024 оны 1 дүгээр сарын албан ёсны бүртгэлээр Улаанбаатар хотод нийт 465,059 өрх бүртгэгдсэн бөгөөд үүний 50.1 хувь буюу 216,989 өрх нь гэр хорооллын бүсэд амьдарч байна. Эдгээр өрхийн ихэнх нь инженерийн төвлөрсөн дэд бүтцэд бүрэн холбогдоогүй, стандартын шаардлага хангаагүй гэр болон байшинд амьдарч байна.

Түүнчлэн гэр хорооллын нийт өрхийн 90 гаруй хувь буюу 195 мянга гаруй өрх дулаалгын шаардлага хангаагүй нөхцөлд амьдарч байгаа нь холбогдох судалгаануудын үр дүнгээр тогтоогддог. Энэхүү нөхцөл нь өвлийн улиралд дулаан алдагдлыг нэмэгдүүлж, халаалтын зардлыг өсгөхөөс гадна өрхийн эдийн засагт бодит дарамт учруулж байна.

Иймд гэр хороолол болон зуслангийн бүсийн нөхцөлийг сайжруулах, дулаан алдагдлыг бууруулах, инженерийн дэд бүтцийг хөгжүүлэх шаардлага улам бүр нэмэгдсээр байна.

Энэхүү иргэдийн өсөн нэмэгдэж буй эрэлт хэрэгцээнд нийцүүлэн барилгын салбарын хамгийн сүүлийн үеийн технологи, инженерийн шийдэл болон ногоон хөгжлийн дэвшилтэт аргачлалуудыг нэг дор төвлөрүүлэх зорилготой “Амины Орон Сууц 2026” үзэсгэлэнг 5 дугаар сарын 15–17-ны өдрүүдэд “Барилгачин” худалдааны төвд зохион байгуулах гэж байна.

Тус үзэсгэлэн нь гэр, байшингийн дулаан алдагдлыг бууруулах, засвар шинэчлэл хийх, инженерийн дэд бүтцээ сайжруулах, халаалтын системээ шинэчлэх, мөн орчин үеийн амины орон сууц барихаар төлөвлөж буй иргэдэд зориулсан цогц шийдлүүдийг нэг дороос танилцуулах боломжийг бүрдүүлж буйгаараа онцлог юм.

Үзэсгэлэнгийн үндсэн чиглэлүүд:

Амины орон сууц, Барилга угсралт

• Хаус барилгын компаниуд (төсөл хөгжүүлэгч, ерөнхий гүйцэтгэгч)

• Зуслангийн болон байнгын оршин сууцны байшин

• Модон болон угсармал хаус (түргэн шийдэл)

Барилгын материал

• Тоосго, блок, бетон хийц

• Дулаалгын материал (эрчим хүчний хэмнэлт)

• Дээвэр, фасадны шийдлүүд

Интерьер, Дотоод засал

• Интерьер дизайн, зураг төсөл

• Захиалгат тавилга, тоноглол

Гадна тохижилт

• Ландшафт дизайн: Цэцэрлэгжүүлэлт, төлөвлөлт

• Хашаа, хаалга, Хамгаалалт, гадна орчны тохижилт, шийдэл

Инженерийн шийдэл

• Халаалт, агааржуулалт, ус хангамж, цэвэр бохирын шийдэл, цахилгаан систем

• Сэргээгдэх эрчим хүч, Нарны эрчим хүч, дулааны насос, хэмнэлттэй шийдлүүд

Ухаалаг технологи

• Автоматжуулалт, Хяналтын болон аюулгүй байдлын систем

 Санхүүгийн үйлчилгээ

• Банк болон  Ипотекийн зээл

• Даатгал

• Ногоон зээл

Барилгын тоног төхөөрөмж

• Барилгын машин механизм

• Багаж хэрэгсэл

 гэх мэт амины орон сууц барихад хэрэгтэй бүхий л бүтээгдэхүүнүүд танилцуулна.

Салбарын чиг хандлагаас харахад тусдаа дэд бүтэцтэй амины орон сууцны зах зээл ойрын 5–10 жилд тогтвортой өсөх төлөвтэй байна. Мөн банк, санхүүгийн байгууллагуудын ногоон зээл болон урт хугацааны ипотекийн зээлийн бүтээгдэхүүд нэмэгдэж байгаа нь өсөлтийг дэмжиж байна.

Мөн амины орон сууц, инженерийн шийдэл, ногоон барилгын чиглэлийн хамгийн сүүлийн үеийн мэдээлэл, технологийг мэргэжилтнүүдийн семинараас үнэ төлбөргүй сонсох боломжтой.

2026.05.16 - Бямба гарагт “Амины орон сууцны төлөвлөлт” сэдвээр (12:00–14:00)

• Нийтэд хүртээмжтэй төлөвлөлт /АОС/
   В.Ойдов — Нийтэд Хүртээмжтэй Пассив Лаборатори Хауз төслийн санаачлагч

• Тэг эрчим хүчний сууц
   Б.Мөнхбаяр — ШУТИС ЭХИС-ийн багш

• Эрчим хүчний хэмнэлттэй амины орон сууцны төлөвлөлт зураг төсөлт тавигдах шаардлага 
   А.Отгончимэг — Амины Орон Сууцны Инновац Хөгжлийн Төвийн Гүйцэтгэх захирал

• Угсармал хийцийг амины орон сууцад төлөвлөх нь
   З.Цэнгэлмаа — “Эн Си Ди Прекон ХХК”-ийн архитектор

• Агаар сэлгэлтийн оновчтой төлөвлөлт
   Ц.Уранцэцэг — Зөвлөх инженер, БАС - ийн багш доктор, дэд профессор 

• Эрчим хүчний хэмнэлттэй цонх
   Л.Гантөмөр — “Цонх Констракшн ХХК”-ийн захирал

2026.05.17 - Ням гарагт “АОС халаалт, инженерийн шийдэл” сэдвээр (12:00–14:00)

• Нар + батарейн системийн ухаалаг төлөвлөлт
   Г.Бат-Эрдэнэ — “Монкабель системс" ХХК - ийн Барилгын Технологийн хэлтсийн захирал 

• АОС-ийн хийцлэлийн давуу ба сул тал
   О.Хишигмөнх — “Барилгачин Групп”-ын инженер

• Хувийн хаус хотхоны цэвэрлэх байгууламж
   С.Отгончулуун — “БауХаус” ХХК-ийн Ерөнхий инженер 

• BestGer ногоон барилгын үнэлгээний гэрчилгээ
   Ц.Батгэрэл — Ногоон барилгын хүрээлэн гүйцэтгэх захирал

• Барилгыг сэргээгдэх эрчим хүч үйлдвэрлэгч болгон хувиргаж буй BIPV технологи
   С.Болорбайгаль — BIPV Glass технологийн сургагч багш 

• Амины орон сууц барихдаа санхүүгээ төлөвлөх нь 
   Ч.Батцэнгэл — Зохион бүтээгч, зөвлөгч Архитектор 

Эдгээр семинаруудад амины орон сууц барих, шинэчлэх болон эрчим хүчний хэмнэлттэй шийдэл сонгохоор зорьж буй иргэд өөрсдийн сонирхсон асуултаа чөлөөтэй асууж, мэргэжилтнүүдээс зөвөлгөө аваарай.

B2B уулзалтууд: Бизнесийн байгууллагуудтай нүүр тулан уулзаж, харилцаа холбоогоо тэлэх, шинэ түншлэл, хамтын ажиллагаа эхлүүлэх нээлттэй.

Хэрэглэгч та, Засвар хийх эсвэл шинээр АОС барихаар төлөвлөж байгаа бол энэхүү экспог зорьж, шинэ төсөл, шийдлүүдтэй танилцан, материал тоног төхөөрөмжийг газар дээр нь захиалах эсвэл шууд худалдан авч бүх шийдлээ нэг дороос шийдээрэй. 

Харин танай байгууллага, амины орон сууцны чиглэлээр үйл ажиллагаа явуулдаг бол борлуулалтаа өсгөж, зорилтот хэрэглэгчдэдээ бүтээгдэхүүн үйлчилгээгээ хүргэх боломжтой.

Та бүхнийг Барилгачин худалдааны төвд хүрэлцэн ирж, амины орон сууцны ногоон өдрүүдэд нэгдэхийг урьж байна.

Ерөнхий зохион байгуулагч:

БАРИЛГА МН

Хамтран зохион байгуулагч

ХОТ БАЙГУУЛАЛТ, БАРИЛГА, ОРОН СУУЦЖУУЛАЛЫН ЯАМ

НИЙСЛЭЛИЙН ЗАСАГ ДАРГЫН ТАМГЫН ГАЗАР

БАРИЛГЫН ХӨГЖЛИЙН  ТӨВ

МОНГОЛЫН БАРИЛГЫН ИНЖЕНЕРҮҮДИЙН ХОЛБОО

АМИНЫ ОРОН СУУЦНЫ ИННОВАЦ ХӨГЖЛИЙН ТӨВ 

MONGOLIAN GREEN BUILDING COUNCIL 

БАРИЛГАЧИН ХУДАЛДААНЫ ТӨВ

Бүртгүүлэх

Дэлгэрэнгүй мэдээллийг: 99907816