2026 оны 4-р сарын 15-нд Хот Байгуулалт, Барилга, Орон Сууцжуулалтын Яамны сайд Э.Бат-Амгалан Бүгд Найрамдах Солонгос Улсын хот байгуулалт, орон сууцны салбарын төлөөлөгчдийг хүлээн авч уулзаж, хоёр улсын хамтын ажиллагааны талаар санал солилцлоо.

Уулзалтын үеэр талууд Монгол, Солонгосын хот байгуулалт, барилга, орон сууцжуулалтын салбарын хамтын ажиллагаа сүүлийн жилүүдэд идэвхтэй өргөжиж байгааг онцолж, цаашид урт хугацааны, харилцан ашигтай түншлэлийг бэхжүүлэх чиглэлд хамтран ажиллах хүсэлтэй байгаагаа илэрхийлжээ.

Мөн:

• БНСУ-ын хөнгөлөлттэй зээлээр хэрэгжиж буй “Солонго-1, 2” орон сууцны төсөл

• KOICA-ийн дэмжлэгтэй “S-QUAD” төсөл зэрэг хөтөлбөрүүдийг үргэлжлүүлэх,
   хүний нөөцийг чадавхжуулах,  орон сууцны санхүүжилтийн туршлагыг нутагшуулах талаар ярилцсан байна.

Түүнчлэн Улаанбаатар хотын дахин төлөвлөлт, ухаалаг хотын хөгжил, салбарын эрх зүйн шинэчлэл, төслийн хэрэгжилтийг уялдуулах чиглэлээр хамтын ажиллагааг өргөжүүлэхээр тохиролцжээ.